Marrëveshja me Greqinë për emrin, Kuvendi i Maqedonisë përgatitet për votimin e ri
Eksperti kushtetues: Vonesa e nënshkrimit të ligjit, vepër penale për Ivanov
Pas
deklarimit të Presi dentit të Maqedonisë, Gjorge Ivanov, për mosnënshkrimin e ligjit për ratifikimin e marrëveshjes për emrin, ligjvënësi do të duhet të kthejë ligjin në lexim të tretë. Zyrtarisht nuk dihet akoma data se kur do të vendoset në rend dite, por që duhet të vendoset në seancën e parë, këtë e garanton rregullorja e Kuvendit. Marrëveshja për çështjen e emrit siç duket do ta ketë fatin e ligjit për përdorimin e gjuhëve. Në votim të tretë, Ivanovin e detyron Kushtetuta ta nënshkruajë ligjin. Ekspertët vlerësojnë se zvarritja e ligjit përbën vepër penale, e cila në rast se jo tani, pas përfundimit të mandatit, mund të jetë bazë për përgjegjësi penale të kryetarit të shtetit. Themellko Ristevski kujton që Ivanov duhet të nënshkruajë ligjin dhe më pas në rast se dyshon në kushtetutshmërinë e tij, të iniciojë procedurë për vlerësim në Gjykatën Kushtetuese. "Ta nënshkruajë ligjin, sepse këtë e kërkon Kushtetuta dhe këtu nuk ka dilema. Pas kësaj, derisa nuk pajtohet me ligjin, ka të drejtë që pas publikimit të ligjit në Gazetën Zyrtare, si Presi- dent i shtetit mund nisë iniciativë për vlerësimin e kushtetutshmërisë në Gjykatën Kushtetuese. Në fund Kushtetuesja do të thotë fjalën përfundimtare", deklaroi eksperti kushtetues, Themelko Ristevski për "Alsat- M". Ndërkohë, paralajmërimet e presidentit për përgjegjësi penale, sipas Ristevskit janë manipulime, të cilat sipas tij janë në të njëjtën vijë me VMRO- DPMNE- në, e cila gjithashtu ka paralajmëruar përgjegjësi penale për të gjithë ata që sipas tyre kanë votuar për "marrëveshjen kapitulluese". Marrëveshja mes Maqedonisë dhe Greqisë rreth kontestit të emrit u ratifikua në Kuvend më 20 qershor. Me arsyetimin se marrëveshja bie në kundërshtim me Kushtetutën, Ivanovi vendosi veto mbi të, duke mos e dekretuar, qëndrim ky që si- pas shumicës parlamentare ishte i pritshëm. Në leximin e tretë, në këtë situatë siç është ratifikimi i marrëveshjes nuk parashikohen amendamente, ndërsa në seancë plenare nuk do të mund as të diskutohet.