Donald Lu: Balili me mbështetje politike, policia s’e arrestoi dot
Ambasadori amerikan, thirrje Ramës e Xhafajt: Luftoni pa mëshirë krimin e organizuar "Kokat e krimit të kenë frikë. Drejtësia po vjen…"
Ambasadori ameri kan, Dondal Lu, për para zyrtarëve më të lartë të vendit, por edhe të BE- së, përcolli dje të tjera mesazhe të forta në adresë të "peshqve të mëdhenj". Ai kërkoi që të futen në burg kokat e krimit në Shqipëri. Diplomati amerikan mori pjesë në konferencën "Forca e Ligjit në Veprim", nga ku siguroi se SHBA- të do të jenë një mbështetëse të reformave dhe ngritjes së institucioneve të reja. Por, ambasadori Donald Lu kërkoi edhe njëherë kapjen e "peshqve të mëdhenj", duke e cilësuar dështim të qeverisë moskapjen e Klement Balilit. Zyrtari i lartë tha se ky dështim ka përfshirë të gjitha strukturat ligjzbatuese, ndërsa mori edhe përgjigjen e kryeministrit Rama. Në aktivitetin "Forca e ligjit në veprim" ishin të pranishëm edhe ambasadorë të tjerë të huaj. Ambasadori në ikje i Shteteve të Bashkuara, Donald Lu, fshikulloi qeverinë duke e thënë se ka dështuar në kapjen e shumë të kërkuarit Klement Balili. "Shqipëria mbështeti arrestimin e Met Kananit në Turqi. Banda e tij u arrestua këtu në Shqipëri. Doganat shqiptare zbuluan 630 kg kokainë kolumbiane, që çoi në arrestimin e trafikantit të narkotikëve, Arbën Çekaj në Gjermani. Disa prej anëtarëve të bandës së tij janë arrestuar dhe shpresojmë që ditët e ardhshme të arrestohen të tjerë. Së katërti, kryebashkiaku Fran Frrokaj dhe ish- kryebashkiaku Elvis Roshi po ndiqen penalisht. Emiljano Shullazi dhe Lul Berisha po gjykohen në gjykatë. Hetimi penal kundër ish- ministrit të Brendshëm, Saimir Tahiri dhe ish- Prokurorit të Përgjithshëm, Adriatik Llalla vazhdon. Ka shumë aktivitet për një periudhë të shkurtër kohe, por duam të shohim rezultate konkrete. Duam që ' peshqit e mëdhenj' të ndiqen penalisht, të dënohen dhe futen në burg, ky do të ishte sukses", - deklaroi ambasadori amerikan. Në nëntor të vitit të kaluar, Donald Lu foli me emra konkretë për "peshqit e mëdhenj që hanë të vegjlit". Në atë kohë, ambasadori ameri-
kan tha se do të priste janarin për arrestime të bujshme. Por, nga ajo deklaratë kanë kaluar 8 muaj dhe nga i njëjti aktivitet, "Forca e Ligjit", e ndoshta për herë të fundit përpara se të largohet në Kirgistan, Donald Lu flet sërish për "peshqit e mëdhenj", ende të "pangrënë". "Dua të theksoj një dështim të qeverisë, prokurorisë dhe të policisë, dështimi për të arrestuar Klement Balilin. Dy vite më
parë, DEA punoi me policinë greke për arrestimin e disa anëtarëve të bandës së Balilit në Greqi. Më pas, gjykatat greke dënuan Balilin me një dënim të përjetshëm plus 15 vjet heqje lirie. Balili është një bos i fuqishëm i krimit të organizuar me lidhje politike. Për dy vjet, policia dhe prokurori nuk kanë pasur aftësinë ose vullnetin për ta arrestuar. Askush nuk është mbi ligjin. I bëj thirrje "Dështim i prokurorisë, policisë dhe qeverisë për arrestimin e Balilit. Balili është një bos i krimit të organizuar. Nuk kanë pasur aftësinë ose vullnetin për ta kapur. I bëj thirrje Ramës, Xhafajt dhe prokurorëve të vazhdojnë luftën kundër krimit të organizuar pa mëshirë. ONM ka thënë se do përfundojë këtë verë kalimin në veting. Kokat e krimit duhet të kenë frikë. Drejtësia për ta po vjen".
kryeministrit Rama, ministrit Xhafaj, policisë dhe prokurorëve të vazhdojnë luftën ndaj krimit të organizuar pa mëshirë. KPK ka thënë se planifikon të përfundojë këtë verë vetingun e kandidatëve për Këshillin e Lartë të Prokurorisë. Kjo do të lejojë krijimin e shpejtë të KLP- së, SPAKU- t dhe BKH- së. Kokat e krimit duhet të kenë frikë, drejtësia për ta po vjen", u shpreh ambasadori amerikan.