Basha, Lu- së: "Peshqit e mëdhenj" janë në krahët e tuaj në çdo pritje zyrtare
Kreu i PD- së: Rama qeveris bashkë me krimin
Kreu
i Partisë Demokratike, Lulzim Basha iu përgjigj dje nga parlamenti ambasadorit Donald Lu për "peshqit e mëdhenj", duke theksuar se ata janë në podiumin e qeverisë dhe në çdo pritje zyrtare. "Oqean? Mos gënjeni veten tuaj zotëri ambasadorë, se shqiptarët nuk gënjehen më. ' Peshqit e mëdhenj' janë në krahët e tuaj në çdo pritje zyrtare dhe në podiumin e qeverisë këtu në parlament. Edi Rama zgjodhi krimin dhe jo Shqipërinë dhe sot ai nuk del dot më nga vatha e krimit. Ai nuk është thjesht një politikan ballkanik i korruptuar dhe i inkriminuar, ai është një politikan i kapur dhe kontrolluar tërësisht nga krimi. Shqipëria ka nevojë për ndryshime të mëdha, por ndryshimi i parë është largimi i Edi Ramës dhe regjimit të tij kriminal. Vetëm atëherë Shqipëria do të shohë përpara me optimizëm", deklaroi kreu i PD- së. Basha akuzoi më tej se: "Në kohën kur ishte kryetar bashkie, ai e ktheu Tiranën në një lavatriçe parash të krimit. Nuk mbeti trafikant droge, kriminel dhe i korruptuar që nuk ndërtoi në Tiranë duke marrë leje nga Rama në këmbim të 20 për qindëshit. Si kryeministër ka më shumë pushtet dhe tani mund të garantojë direkt trafikun e
REAGIMI
"Oqean? Mos gënjeni veten tuaj zotërinj ambasadorë, se shqiptarët nuk gënjehen më. ' Peshqit e mëdhenj' janë në krahun tuaj në çdo pritje zyrtare dhe në podiumin e qeverisë këtu në parlament", tha kreu i PD- së.
drogës, mund të garantojë direkt pastrimin e parave dhe mund të japë leje ndërtime për të gjithë Shqipërinë nga Saranda në Tropojë. Kështu, Edi Rama përfundoi në bashkëqeverisje me krimin. Ka pesë vjet që bashkëqeveris me krimin dhe çdo ditë që do jetë në pushtet, do ta ndajë atë me krimin. Rezultati është varfërimi i shqiptarëve, izolimi i tyre nga Evropa dhe braktisja e vendit".