U dënua me 25 vite burg, Izet Haxhia ankimon vendimin e gjykatës
Dosja "Hajdari", ish- truproja e Sali Berishës kërkon dëshmitar edhe Fatos Nanon Apelimi, pas rivendosjes në afat të çështjes
Izet Haxhiaj depozitoi ditën e djeshme zyrtarisht ankimimin kundër dënimit me 25 vite burgim, si pjesëmarrës në vrasjen e deputetit demokrat Azem Hajdari, shtatorin e 1998. Ish- truproja e Sali Berishës, pretendon se nuk ka lidhje me ekzekutimin e liderit të demokracisë, duke këmbëngulur për pafajësi. Për të provuar pretendimet e tij, Haxhiaj kërkon ballafaqimin me ish- kryeministrin Berisha, ndërsa rendit emrat e njerëzve të njohur të politikës, drejtësisë, apo medias, që i fton si dëshmitarë në proces. Në listën e gjatë, bie në sy emri i ish- kryeministri Fatos Nano, ish- kryeparlamentares Jozefina Topalli, ish- prokurorit të Përgjithshëm Arben Rakipi, si dhe disa deputetë. Ndërsa, këmbëngul që në cilësinë e dëshmitarit të pyeten edhe Jaho Mulosmani, i dënuar me Për të provuar pretendimet e tij, Haxhiaj kërkon ballafaqimin me ish- kryeministrin Berisha, ndërsa rendit emrat e njerëzve të njohur të politikës, drejtësisë, apo medias, që i fton si dëshmitarë në proces. Në listën e gjatë, bie në sy emri i ish- kryeministrit Fatos Nano, ishkryeparlamentares Jozefina Topalli, ish- prokurorit të Përgjithshëm Arben Rakipi, si dhe disa deputetë.
burgim të përjetshëm, si protagonist kryesor i vrasjes së Hajdarit dhe Zenel Neza, i cili mbeti i plagosur në ngjarje. Në morinë e provave të listuara, Haxhiaj këmbëngul që gjykata të administrojë edhe tabulatet telefonike të të gjithë numrave celularë që kanë mbajtur të gjithë personat, që sipas tij paraqesin interes për çështjen. Ndërsa kërkon administrimin e ditarëve sekret të ish- ministrit të Brendshëm Perikli Teta, dhe drejtorit të Policisë, Albert Dervishi. Avokati i Haxhiajt, Bashkim
Nikolla deklaroi për "News 24" se do t'i kërkojnë Gjykatës së Apelit shqyrtimin në themel të dosjes "Hajdari". Izet Haxhiaj, i cili pret të përballet me drejtësinë, ndodhet në paraburgimin 302 në Tiranë, që prej ekstradimit në muajin maj nga Turqia, atje ku qëndroi për 12 vite me radhë.
KËRKESA
Më herët Haxhiaj doli para trupës gjykuese për të kërkuar rigjykimin e çështjes së tij. Gjatë seancës ai argumentoi se nuk i është shmangur drejtësisë, por rrethanat nuk e lejuan të përballej me të, duke theksuar se shkak i largimit të tij drejt Turqisë ishte pasi ndihej i rrezikuar për jetën e tij. Haxhia mohoi të ketë lidhje me vrasjen e Azem Hajdarit 12 shtatorin e vitit 1998, dhe se e vërteta sipas tij do të dalë në dritë pas ballafaqimit me ish- kryeministrin Sali Berisha. "Ma ngarkuan një akuzë dhe unë nuk munda të mbrohem. Shkaku ishte se jeta ime ishte në rrezik. Por tani pas 27 vitesh, dua të flas për çështjen. Të përballem me Sali Berishën, sepse ai me denoncoi si vrasës të Azemit!", u shpreh Izet Haxhia. Më tej ai dhe avokati i tij mbrojtës kërkuan rigjykim dhe rihapjen e dosjes. Avokati i Izet Haxhisë, ish- truprojës së Sali Berishës paraqiti në Gjykatën e Tiranës provat për të kërkuar rihapjen e dosjes "Hajdari" e konsideruar si "dosja e shekullit". Para gjykatës avokati Bashkim Nikolla solli si prova të reja dy dokumente. Për të vërtetuar që emri i Izetit nuk përmendet si bashkëpunëtor në vrasje, avokati ka nxjerrë një shkresë të Shërbimit Informativ Shtetëror ( SHIK) asokohe drejtuar kryeministrit Pandeli Majko dhe Presidentit Rexhep Mejdani në dhjetorin e 1998. Në dokumentin sekret, jepen të dhëna për autorët e vrasjes së deputetit Azem Hajdari, por në asnjë moment nuk përmendet në ngjarje, emri i Izet Haxhisë. Në katër faqet e këtij dokumenti të klasifikuar, përshkruhet e gjithë dinamika e vrasjes së Azem Hajdarit. Shkresa e dytë është e vitit 2007 dhe mban firmën e ministrit të Drejtësisë së Kohës, Ilir Rusmali. Dhe ësh- të garancia që shteti shqiptar i dha Turqisë, për rigjykimin e Izet Haxhisë, në rast ekstradimi. Kundër argumenteve të mbrojtjes doli prokurori Petrit Bica, i cili tha se ajo nuk argumentoi faktin se cila ishte arsyeja madhore që e pengoi të pandehurin të përballej me drejtësinë. Kundërpërgjigja e Izet Haxhisë, ishte e menjëhershme. Ai foli për atë që e konsideron marrëveshja e Rognerit, ku sipas tij kishte një plan për eliminimin e tij fizik. Denoncuesi dhe akuzuesi im Sali Berisha ka një marrëveshje të bërë në "Rogner" për të ekzekutuar disa persona. Mes tyre edhe mua. Disa i vranë, mua jo", ka deklaruar Izeti përpara trupës gjykuese.