Prokuroria kërkon sërish burg për Saimir Tahirin
nuk tërhiqet nga çështja "Tahiri". Ditën e djeshme organi i akuzës ka kërkuar sërish masën e sigurisë "arrest me burg" deri në fund të hetimeve për Saimir Tahirin duke bërë rekurs në Gjykatën e Lartë pas vendimit të Apelit të krimeve të rënda që i dha lirinë ish- ministrit të brendshëm. Ndërsa ende nuk ka një datë se kur do të shqyrtohet kjo kërkesë. Menjëherë pas deklaratës së ambasadorit amerikan në Tiranë, Donald Lu, i cili kërkoi ditën e enjte që peshqit e mëdhenj të përfundojnë në burg duke përmendur edhe çështjen "Tahiri", drejtuesja e Prokurorisë së Krimeve të Rënda, Donika Prela është vënë në lëvizje duke i kërkuar Gjykatës së Lartë, që të ndryshohet masa e sigurisë ndaj ishministrit, i cili dyshohet për përfshirje në trafik droge. Sipas organit të akuzës ka prova që faktojnë përfshirjen e ish- deputetit në veprimtari kriminale. Kujtojmë se kjo është hera e dytë që krimet e renda i drejtohen Gjykatës së Lartë për Saimir Tahirin, pas bllokimit të pasaportave. Apeli ja riktheu pasaportat ishministrit, duke i hequr masën e ndalimit të lëvizjes jashtë vendit. Tahiri është në hetim që nga tetori i 2017- ës nga Prokuroria e Krimeve të Rënda. Ish- ministri dyshohet se ka shpërdoruar detyrën dhe ka kryer korrupsion në kuadër të grupit të strukturuar kriminal të drejtuar nga Moisi Habilaj i përfshirë në trafikun e kanabisit nga Shqipëria drejt Italisë. Në muajin maj Gjykata e Apelit të Krimeve të Rënda shfuqizoi masën e sigurisë ' arrest shtëpie' për ish- ministrin e Brendshëm, Saimir Tahiri. Pas dy orësh e gjysmë seancë, Apeli i Krimeve të Rënda rrëzoi masën e vendosur nga Gjykata e Shkallës së Parë ndaj ish- ministrit, duke e lënë atë të lirë. Pas vendimit avokati mbrojtës Maks Haxhia u shpreh se me provat që disponon prokuroria, mbi klientin e tij, Saimir Tahiri, nuk mund të rëndojë asnjë akuzë fajësimi. "Vendimi përfundimtar i gjykatës ishte shfuqizimi i vendimit nr. 97 datë 12 maj 2018 dhe vendimit 101 datë 15.5.2018 ku u vendos masa e arrestit të shtëpisë dhe momentalisht Tahiri është pa masë sigurie. Prokuroria mbështeti qëndrimin e Shkallës së Parë. Unë e thashë edhe herën e kaluar, Gjykata e Shkallës së Parë mori një vendim të ndërmjetëm, bazuar në kërkesën e prokurorisë që kërkonte arrest me burg mbi po të njëjtat materiale që kanë qenë prezente gjatë gjithë kohës në hetim. Ajo çështje është akoma në Gjykatën e Lartë, është procesi disi më i veçantë, sepse është seanca seleksionuese nëse ka rrethana për të kaluar në gjyq apo jo. Deri tani mesa që kemi ndjekur nuk ka asnjë veprim lidhur me seancën seleksionuese. Nëse do të ketë këto prova që flitet deri tani janë paraprijëse të një vendimi lidhur me pafajësinë e zotit Tahiri.