Ligji për emrin e Maqedonisë, Kuvendi e miraton sërish
Presidenti s'e dekretoi, Zaev: Ivanov duhet të nënshkruajë ligjin Xhaferi: Kryen shkelje ligjore nëse nuk pranohet
Gjorge Ivanov, presi denti i Maqedonisë duhet ta nënshkruajë ligjin për ratifikimin e Marrëveshjes me Greqinë, ndërsa referendumi vetëm do ta konfirmojë këtë, apeloi sot kryeministri Zoran Zaev. Duke iu përgjigjur pyetjeve të gazetarëve pas lëshimit në përdorim të sistemit të parë fotovoltaik në objekt privat, Zaev përmendi se për herë të parë pas 27 viteve qytetarët kanë mundësi të vendosin për të ardhmen e Maqedonisë. "Besoj në popullin tonë dhe në suksesin e procesit, me të cilin do të mburren shumë gjenerata",- tha kryeministri. Duke e quajtur Marrëveshjen korrekte dhe të drejtë, Zaev përmendi se ajo u ratifikua dy herë. Ndërkohë nga ana tjetër, Kuvendi i Maqedonisë sërish ka ratifikuar Marrëveshjen për emrin me Greqinë, pasi votimi i parë ka dështuar për shkak të refuzimit të presidentit të shtetit, Gjorge Ivanov për ta dekretuar ligjin. Edhe votimi i së enjtes ka kaluar me 69 vota pro, dhe vetëm një votë të përmbajtur, ndërkohë nuk ka pas asnjë votë kundër, pasi në seancën parlamentare nuk ishin të pranishëm deputetët e opozitës maqedonase VMRO- DPMNE- së. Kryetari i Kuvendit, Talat Xhaferi ka thënë se "presidenti Ivanov është i obliguar me Kushtetutë që kësaj radhe ta dekretojë ligjin, në të kundërtën ai bën shkelje ligjore". Xhaferi ka paralajmëruar se ligjin do ta dërgojë për publikim në "Gazetën Zyrtare" pa firmën e kreut të shtetit,
sikur edhe ligjin për gjuhën shqipe, që gjithashtu dy herë është miratuar në Kuvend për shkak të refuzimit të presidentit për ta
dekretuar. Edhe shefi i diplomacisë, Nikolla Dimitrov i ka bërë thirrje presidentit të Maqedonisë, Gjorgje Ivanov që të dekre- "Presidenti i Maqedonisë, Gjorge Ivanov duhet ta nënshkruajë ligjin për ratifikimin e Marrëveshjes me Greqinë, ndërsa referendumi vetëm do ta konfirmojë këtë. Besoj në popullin tonë dhe në suksesin e procesit, me të cilin do të mburren shumë gjenerata",tha Zaev.
tojë Marrëveshjen për emrin, pasi sipas tij nuk qëndrojnë pretendimet e presidentit Ivanov se kjo marrëveshje është antikush- tetuese. Dimitrov tha se nuk mbrohet Kushtetuta duke e shkelur atë. "Pika e parë është më përmbajtjesore, pasi aty thuhet se nuk mund të pranohen ide dhe propozime që rrezikojnë identitetin nacional maqedon. Unë dua t'ju bind se asnjë anëtar i qeverisë, as kryeministri, e askush tjetër nuk do të pranojë ide të tilla. Marrëveshja jo vetëm që nuk e rrezikon identitetin, gjuhën dhe gjithçka që ka të bëjë me veçoritë maqedonase, por përkundrazi i forcon edhe më shumë", u shpreh ministri i Punëve të Jashtme, Nikolla Dimitrov. Por, pavarësisht kësaj, opozita ka paralajmëruar padi penale ndaj të gjithë tyre që pretendon se kanë "tradhtuar interesat nacionale maqedonase". "VMRO DPMNE nuk do të bëhet pjesë e kapitulimit. Nuk do të marrim pjesë në seancën ku miratohet kjo marrëveshje aq e dëmshme për ndryshimin e emrit të shtetit dhe prek identitetin e maqedonaseve", tha Sekretari i Përgjithshëm i VMRODPMNE- së Igor Janushev. Ndërkohë që partitë shqiptare votuan marrëveshjen me të cilën sipas tyre zhbllokohet procesi euro- integrues.