Basha 5 ditë në Uashington, takime në Departamentin e Shtetit
Opozita pritet të ndërmarrë masa ekstreme në mbrojtje të godinës së Teatrit Kombëtar, pas miratimit të ligjit PD nënshkroi kontratë të re lobimi me kompaninë "Sonoran Policy Group LCC" Ekspertiza e audiopërgjimit të Xhafajt, Vasili: Kryeprokurorja, e kapu
Kryetari i Partisë Demokratike, Lul zim Basha, u nis dje drejt Shteteve të Bashkuara të Amerikës, ku do të zhvillojë një seri takimesh zyrtare. Selia blu nuk ka informuar për axhendën e takimeve të Bashës, por burimet i thanë "Ora News" se ai do të qëndrojë në Uashington, deri në datën 12 korrik. Gjatë këtyre ditëve parashikohen edhe takime në Departamentin Amerikan të Shtetit. Nuk dihet nëse kreu i PD- së do të ketë ndonjë takim me ambasadoren e re të emëruar në Tiranë dhe që do të zëvendësojë Donald Lu. Vizita 5- ditore e kryetarit të Partisë demokratike, Lulzim Basha në Shtetet e Bashkuara vjen në një moment të rëndësishëm politik në Shqipëri, kur opozita ka paralajmëruar një aksion të fortë kundër qeverisë, ndërsa në opsionet e saj nuk janë vetëm protesta, por edhe mundësia e bojkotit të institucioneve apo një vendim më ekstrem, siç mund të jetë djegia e mandateve. Të enjten e kësaj jave, opozita pati një qëndresë të fortë në Kuvend për ligjin e miratuar nga mazhoranca për ngritjen e godinës së re të Tetarit Kombëtar. Ndërkohë, bëhet e ditur se PD ka parashikuar masa ekstreme në mbrojtje të teatrit, por ende nuk specifikohet se cilat do të jenë këto masa në vijim. Ndërkohë, vetëm pak javë më parë u bë publike kontrata e re e lobimit që PD firmosi me një tjetër kompani amerikane, pas skandalit të publikuar nga revista amerikane "Mother Jones", e cila hidhte dyshime për lidhjen mes PD- së dhe lobuesve rusë. Kontrata është firmosur më 12 qershor të këtij muaji dhe është kryer me firmën e lobimit "Sonoran Policy Group LCC", një kompani kjo e njohur për kontaktet e saj me njerëz pranë Presidentit të SHBA- ve, Donald Trump. Kontrata do të jetë e vlefshme deri në muajin tetor të këtij viti. Ende nuk dihet se për çfarë e ka nënshkruar një kontratë të tillë PD, pasi intervali nuk përkon me zgjedhjet, ku më të afërtat janë vitin e ardhshëm. Në fakt një kontratë të tillë, Basha do ta përdorë për lobim në Shtetet e Bashkuara të Amerikës, ku tashmë është bërë e qartë se si funksionon rezervimi i takimeve me personalitetet e larta të SHBA- ve. Kryetari
i grupit par lamentar të LSI- së, Petrit Vaili akuzoi dje kryeprokuroren Arta Marku se nuk ka nisur hetim për audiopërgjimin për vëllain e ministrit Fatmir Xhafaj. "Kryeprokurorja bën shejtan budallanë sa herë që shkelësi i ligjit është kryeministri. Ditën për diell, kryeministri futi duart për mbylljen e çështjes së audiopërgjimit të vëllait të ministrit të Brendshëm. Kryeministri ndërhyri, imponoi, manipuloi opinionin duke deklaruar se kishte kryer ai ekspertizën, se kishte marrë edhe rezultatet dhe çdo gjë ishte manipulim sipas tij. Ky mashtrim shumë i rëndë publik i kryeministrit dhe përfshirja e tij në një çështje penale të një rëndësie të jashtëzakonshme janë faje penale të pakapërcyeshme, ndaj të cilave prokurorja heshti dhe vazhdon të heshtë, duke u bërë edhe ajo pjesë e këtij shpërdorimi kolosal të pushtetit dhe fshehjes së drejtësisë", u shpreh dje përmes një statusi në "Facebook" Vasili. "Nëse kryeprokurorja nuk e bën dhe nuk guxon të procedojë kryeministrin fajtor, vetingu i vërtetë i saj nuk do të jetë ai për pasurinë, por për shpërdorimin e detyrës dhe për mbulimin e fajeve shumë të rënda penale dhe publike të kryeministrit", tha Vasili.