Befason komisioneri Hahn: Ristrukturim kufijsh midis Greqisë dhe Shqipërisë
Deklarata e komisionerit të BE shqetëson mediat greke: Frikë për spastrim etnik Pakti detar, Bushati- Kotzias takohen në Bruksel
Komisioneri i BE për Zgjerimin, Johannes Hahn, ka bërë një deklaratë në një konference për shtyp nga Londra, e cila është diskutuar gjatë në mediat greke. Hahn ka thënë se Shqipëria dhe Greqia po shkojnë drejt një marrëveshjeje për rindërtimin e kufijve. "Unë mendoj se ne kemi parë vendime prej burrash shteti si për shembull për negociatat rreth çështjes së emrit. Me të gjitha gjasat do të kemi një marrëveshje mes Shqipërisë dhe Greqisë, sepse ajo e cila po diskutohet lidhet me një rindërtim të kufijve dhe e gjitha kjo është gjithmonë e rëndësishme dhe kritike për qytetarët", deklaroi Johannes Hahn. Pas deklaratave të Hahn, ende nuk ka ardhur një reagim zyrtar nga ana e qeverisë greke. Ndërsa mediat greke si "Cathimerini" dhe "Proto Thema" shkruajnë se janë tejet të shqetësuar për mënyrën se si Nikos Kotzias i Greqisë po i trajton negociatat me Shqipërinë më konkretisht çështjen e minoritetit etnik grek në jug të Shqipërisë. Ato shkruajnë se kanë frikë se "spastrimi etnik", të cilit i janë nënshtruar qytetarët nga qeveritë shqiptare, do të vazhdojë. Pas bujës së bërë në mediat greke të deklaratës së Hahn, një reagim ka ardhur edhe nga një zëdhënës i Komisionerit, i cili është shprehur se ai nuk i referohej ndryshimit të kufijve. "Në asnjë mënyrë komisioneri Hahn nuk i referohet një ndryshimi kufitar. Ai u referohej bisedimeve të vazhdueshme greko- shqiptare mbi zonën ekskluzive ekonomike, e cila mund të arrihet vetëm në bazë të një marrëveshjeje të pranueshme reciproke mes dy vendeve", u shpreh zëdhënësi. Komisioneri foli në konferencën me temë "Përtej Berlinit. Çfarë presim dekadën e ardhshme për Ballkanin Perëndimor", organizuar nga Instituti Mbretëror i Çështjeve Ndërkombëtare, ose siç njihet gjerësisht, ' Catham House'. Nga ana tjetër, një ditë pas takimit të Edi Ramës me kryeministrin grek, Aleksis Tsipras në Londër, dje kanë zhvilluar një tjetër takim ministrat e Jashtëm, Ditmir Bushati dhe Nikos Kotzias. Bushati dhe Kot- zias janë takuar gjatë punimeve të Samitit të NATO- s në Bruksel. Në fokus të bisedës kanë qenë marrëveshjet mes dy vendeve, të cilat janë drejt finalizimit. Dy ministrat janë Një ditë pas takimit të Edi Ramës me kryeministrin grek, Aleksis Tsipras në Londër, sot kanë zhvilluar një tjetër takim ministrat e Jashtëm, Ditmir Bushati dhe Nikos Kotzias, në Bruksel. Në fokus të bisedës kanë qenë marrëveshjet mes dy vendeve, të cilat janë drejt finalizimit.
njohur me arritjet e deritashme nga ekipet negociatore si dhe kanë cilësuar prioritare për të dyja vendet, ecurinë e dialogut me qëllim finalizimin e marrëveshjeve.