13 vite më pas, përkujtohen viktimat e Masakrës së Srebrenicës
Dënohen fajtorët, Haga: 699 vjet burg për gjenocid kundër boshnjakëve Pendohet i dënuari: Nuk mbrojta të burgosurit
Gjykata e Hagës dhe gjykatat vendore në Bosnjë, Serbi dhe Kroaci kanë dënuar 45 vetë me 699 vjet burg - plus tre dënime me burgim të përjetshëm - për gjenocid, krime kundër njerëzimit dhe shkelje të tjera kundër boshnjakëve në Srebrenicë në korrik 1995. Dymbëdhjetë muajt e fundit është parë një tjetër vendim historik që dënoi një figurë të lartë të serbëve të Bosnjës për përfshirje në mizoritë më të këqija në Evropë që nga Lufta e Dytë Botërore - Ratko Mlladiç, ish- komandanti i shtabit kryesor të Ushtrisë Serbe të Bosnjës, i cili u dënua me burgim të përjetshëm në nëntor. Duke e shpallur Mlladiçin fajtor për gjenocid në vendimin e shkallës së parë, gjykata e OKBsë në Hagë tha se ai kishte "synimin gjenocidal për të shkatërruar boshnjakët në Srebrenicë". Sipas gjyqtarëve, prova e këtij qëllimi ishte mesazhi i Mlladiçit për banorët boshnjakë të Srebrenicës, që ata mund të "mbijetonin ose zhdukeshin". Ashtu si Radovan Karaxhiç, i cili u dënua për gjenocid në një vendim të shkallës së parë vitin e kaluar, Mlladiç ka treguar se do ta apelojë vendimin. Me afrimin e përvjetorit të këtij viti të masakrave të Srebrenicës, gjykatat në Hagë, Sarajevë, Beograd dhe Zagreb kanë dhënë gjithsej 699 vjet burg - plus tre dënime me burgim të përjetshëm - të pandehurve të dënuar për kryerjen e krimeve pas rënies së Srebrenicës në duart e ushtrisë dhe policisë serbe të Bosnjës, të cilët vranë më shumë se 7,000 burra dhe djem dhe deportuan mbi 40,000 gra, fëmijë dhe të moshuar. Gjykata shtetërore e Bosnjës ka miratuar shumicën e vendimeve për krimet e Srebrenicës, duke dënuar 24 vetë; gjykata e Hagës ka dënuar 14 ish- anëtarë të ushtrisë serbe të Bosnjës dhe forcës policore, ndërsa gjyqësori serb ka dënuar pesë persona krime në Srebrenicë. Ndërkohë, sistemi gjyqësor kroat ka dënuar dy ish- anëtarë të njësisë paraushtarake, ' Akrepat'. Vendimi i parë që vendosi se në Srebrenicë ishte kryer gjenocid ishte ai që u dha në rastin kundër ish- zv/ komandantit të Korpusit të Drinës, të Ushtrisë Serbe të Bosnjës, Radislav Krstiç, i cili u dënua me 35 vjet burg se ndihmoi dhe inkurajoi kryerjen e gjenocidit. Gjykata e Hagës arriti në përfundimin se krimi ishte planifikuar në nivelin më të lartë dhe ata që ishin më të përgjegjshëm ishin stafi i Shtabit Qendror të Ushtrisë Serbe të Bosnjës. "Dhoma e quan masakrën në
Srebrenicë me emrin e saj të duhur - gjenocid. Ata që janë përgjegjës për të do të mbajnë mbi supe barrën dhe kjo do të shërbejë si një paralajmërim për të tjerët që mendojnë kry-
erjen e një akti të tillë të tmerrshëm",- tha gjyqtari Theodor Meron ndërsa lexoi vendimin për dënimin e Krstiçit. Disa vrasës e pranojnë fajin e tyre. Gjykata e Hagës ka dhënë
dënime me burgim të përjetshëm për gjenocid për ish- shefin e sigurisë në Shtabin Qendror të Ushtrisë Serbe të Bosnjës, Lubisha Beara, kreut të saj të inteligjencës dhe sig- urisë, Zdravko Tolimir dhe Vujadin Popoviq, i cili ishte kreu i sigurisë i Korpusit Drina të ushtrisë. Beara vdiq vitin e kaluar në një burg në Gjermani, ku po vuante dënimin e tij, dhe Tolimir vdiq një vit më parë duke pritur që të dërgohej për të vuajtur dënimin e tij. Ish- ushtari i ushtrisë Serbe të Bosnjës Drazen Erdemoviq ishte i pandehuri i parë i Srebrenicës që pranoi fajin e tij para Gjykatës së Hagës, duke pranuar se ai kishte marrë pjesë në vrasjen e mbi 1,000 boshnjakëve nga Srebrenica në Branjevo në korrik 1995. Pasi vuajti dënimin e tij dhe u lirua nga burgu , identiteti i Erdemoviqit u ndryshua për ta mbrojtur atë. Marko Boskiç, një ish- anëtar i Skuadrës së 10- të të Zbulimit të Ushtrisë Serbe të Bosnjës, gjithashtu, pranoi se ishte fajtor për përfshirje në vrasjet në Branjevo dhe u dënua me dhjetë vjet burg në një marrëveshje pranimi fajësie me gjykatën shtetërore të Bosnjës. Boskiç siguroi atë që prokurorët e përshkruan si "informacion të rëndësishëm" mbi ekzekutimet në Branjevo edhe për autorët e tjerë, duke kontribuar në identifikimin dhe gjykimin e tyre. Zv/ komandanti i Brigadës së Zvornikut e Ushtrisë Serbe të Bosnjës, Dragan Obrenoviç, gjithashtu, pranoi se ishte fajtor dhe u dënua me 17 vjet burg nga gjykata e Hagës. Gjykatësit zbuluan se Obrenoviç ishte në dijeni që anëtarët e brigadës po merrnin pjesë në masakra të organizuara dhe në varrosjen e kufomave. "Jam fajtor që nuk bëra disa gjëra, që nuk mbrojta të burgosurit, pavarësisht faktit se isha në një pozicion të përkohshëm. Vazhdoj të pyes veten, çfarë mund të bëja dhe çfarë nuk bëra?", tha Obrenoviç në gjykatë. "Mijëra njerëz të pafajshëm vdiqën. Ka varre, refugjatë, gjithçka është shkatërruar dhe ka trishtim total. Unë mbaj një pjesë të përgjegjësisë për këtë," tha ai.