Marrëveshja në Samitin e Londrës, të gjitha angazhimet e Shqipërisë

Lufta kundër korrupsionit, PD zbulon kontratën që nënshkroi kryeministri në Londër Tabaku: Kontrata e Ramës, fatkeqësisht një fasadë

Kryeministri Edi Rama nënshkroi dje në Samitin e Londrës një dokument në lidhje me detyrimet e Shqipërisë në luftën kundër korrupsionit. PD- ja përmes deputetes Jorida Tabaku publikoi dje disa pjesë të këtij dokumenti. Konkretisht, marrëveshja e vendeve në luftën kundër korrupsionit ( angazhimet e Shqipërisë)( si rrjedhim i Samitit të Londrës 2016) 1). Në fushën e PPP - angazhohet që shpërndarja e informacionit të Partneritetit Publik Privat për të bashkuar qeveritë, zbatimin e ligjit, rregullatorët dhe sektorin financiar për të zbuluar, parandaluar dhe frenuar pastrimin e parave të lidhura me korrupsionin. Të ndajë informacione me shtetet e tjera lidhur me PPP- të që të sigurojë luftë efektive ndërkombëtare kundër pastrimit të parave. Të bashkëpunojë në mënyrë aktive dhe të marrë pjesë në iniciativat e rrjetit Egmont, Rrjeti i Njësive të Inteligjencës Financiare. 2) Prokurimi publik dhe kontratat e hapura. Të forcojë pavarësinë e procedurave të prokurimit publik. Të punojë në implementimin e parimeve, të Dhënave dhe Standardeve të Kontratave të Hapura duke u fokusuar në projekte të mëdha, si një prioritet i hershëm. Zbatimi i Standardeve të Hapura të të Dhënave Kontraktuese, si pjesë e punës së prokurimit të ri elektronik. Të punojë me Partneritetin e Hapur Kontraktues. Bashkimi me Partneritetin për Buxhetim të Hapur dhe angazhimi për t'u shqyrtuar sipas anketës OBP. Deputetja e PD- së, Jorida Tabaku shprehet se, "kontrata që Rama ka firmosur në Samitin e Londrës është në funksion të spektaklit dhe shfaqjeve që i ka pa TVSH". "Ka firmosur në kontratë se tenderat e koncesionet e radhës do të jenë me konkurrencë të hapur, ndërkohë që aktualisht 30% e tenderave dhe koncesioneve janë pa garë dhe në "Shqiptarët nuk kanë asnjë iluzion se çdo gjë është fasadë e propagandë, fatkeqësisht këtë po e kuptojnë dhe partnerët ndërkombëtarë. Ka një dhe vetëm një pengesë për integrimin e vendimit dhe është kjo qeveri dhe Edi Rama", tha Tabaku.