Paloka: Arta Marku u zgjodh në krye të prokurorisë për të mbyllur dosjet
Deputeti i PD- së akuzon kryeprokuroren, e quan "PPP e Ramës"
Deputeti
i PD- së, Edi Paloka akuzoi dje kryeprokuroren Arta Marku se ka ardhur në atë detyrë vetëm për të mbyllur dosjet. Përmes një postimi në rrjetin social "Facebook", Paloka e quan Prokuroren e Përkohshme të Përgjithshme "PPP'- në e Ramës. Sipas tij, Arta Marku nuk i është përgjigjur pyetjes së tij në Komisionin e Ligjeve nëse ka dosje të hapura të ministrave socialistë. Paloka tha se Arta Marku u zgjodh në krye të prokurorisë për të mbyllur dosjet e ministrave dhe kryebashkiakëve socialistë dhe nuk përgjigjet për këto dosje. "A i ka zhdukur ' PPP'- ja e Ramës në prokurori dosjet e ministrave dhe kryebashkiakëve socialistë? Gjatë raportimit të Markut në Komisionin e Ligjeve, pyetja e parë që unë i drejtova ishte: ' A keni dijeni ju nëse Prokuroria e Krimeve të Rënda ka pasur në hetim dhe përgjim ministra, de- putetë dhe funksionarë të PS? Çfarë është bërë me ato dosje'? Përgjigja edhe për këtë pyetje si për gjithë të tjerat ishte ' Nuk e di'", u shpreh Paloka. Sipas tij, "ajo që u vu prej Ramës në kundërshtim me Kushtetutën, në krye të Prokurorisë së Përgjithshme e që u akuzua që ditën e parë nga opozita se po dërgohej aty pikërisht për të mbyllur dosjet e ministrave socialistë, ' nuk e dinte' nëse kishte dosje të hapura për ministra socialistë…!". Paloka ngre pyetjen se pasi u pyet në Komisionin e Ligjeve a u interesua të dijë, Arta Marku. "Dje është akuzuar direkt nga lideri i opozitës se bashkë me të emëruarën e saj në Prokurorinë e Krimeve të Rënda i kanë zhdukur këto dosje! Do përgjigjet ' PPP'- ja apo ajo vetëm firmën vë aty ku i tregojnë shenjën?", u shpreh Paloka.