Reforma zgjedhore, Bledi Çuçi: Drafti do të jetë gati në shtator

Bashkëkryetari socialist: Depolitizim i administratës zgjedhore

Ndryshimet

në Kodin Zgjedhor do të jenë gati në sh tator. Ndonëse me vonesë pasi afati për të përfunduar ishte muaji korrik, bashkëkryetari i komisionit të posaçëm për reformën zgjedhore, Bledi Çuçi është shprehur tashmë se janë në fazën e hartimit të draftit. Bashkëkryetari i këtij komisioni, Bledi Çuçi, tha se janë ata që do të bëjnë gati draftin që do të diskutohet e do të dërgohet për vendimmarrje në parlament. "Këtu përfshihet gjetja e një mënyre për depolitizimin e administratës zgjedhore, mënyrën e financimit të partive, shpenzimet në fushatë. Pra, të gjitha këto që janë pjesë e rekomandimeve të ODHIR do adresohen", u shpreh Çuçi, në një prononcim për Abc News. Në fakt, afati për ta finalizuar reformën zgjedhore ishte korriku. Por ndonëse kjo kërkesë e kreut të prezencës së OSBE- së në Tiranë nuk u përmbush nga komisioni i posaçëm, socialisti Çuçi thotë se do të bëhet e mundur që në zgjedhjet vendore të vitit të ardhshëm në një bashki që ende nuk është përzgjedhur të pilotohet identifikimi elektronik i zgjedhësve. "Brenda qendrës së votimit, pra duke shmangur një proces që do kërkonte përdorimin e teknologjisë online, pra nuk do të ketë teknologji online, por brenda qendrës së votimit do të përdorim teknologji që do bëjë të mundur që të ruajë dhe formën tradicionale të votimit",- u shpreh Çuçi. Sa i përket votimit të emigrantëve, kjo është një temë ende në fazë diskutimi tha bashkëkryetari socialist i komisionit të reformës zgjedhore. "Çështja e ndryshimeve kushtetuese lidhet me një çështje të ndryshimit të sistemit elektoral dhe çështjet e ndryshimit sistemit elektoral tani nuk është një çështje për diskutim në komisionin parlamentar për reformën zgjedhore",- u shpreh Çuçi.