Bushati pritet nga nënsekretari amerikan: Shqipëria, faktor strategjik në rajon
Ministri i Jashtëm në Ministerialin për "Liritë fetare" Stephen Mull: "SHBA, me fat që ka miq të tillë" Ndarja nga jeta e Adem Demaçit, politika shqiptare: Humbje për kombin shqiptar
Ministri për Europën dhe Punët e Jashtme gjendet në Uashington DC për të marrë pjesë në Ministerialin mbi "Lirinë fetare" me ftesë të Sekretarit të Shtetit, Mike Pompeo. Gjatë qëndrimit në Uashington DC, Ministri Bushati zhvilloi një takim me Nënsekretarin e Shtetit për Çështjet Politike, Stephen Mull. Në takimin me Nënsekretarin Mull, Ministri Bushati vlerësoi mbështetjen e vazhdueshme të SHBA- ve për sa i përket zbatimit të reformave të brendshme e kryesisht asaj në gjyqësor, si dhe në garantimin e sigurisë e stabilitetit në rajonin e Ballkanit. SHBA- të duhet të vazhdojnë të jenë prezentë në BP, theksoi Bushati, jo vetëm si faktor paqeje dhe sigurie, por dhe si kundërbalancues i ndikimit të fuqive të treta në rajon. Nga ana e tij, Nënsekretari Mull falënderoi Shqipërinë për kontributin e çmuar si në kuadër të NATOs ashtu dhe si faktor konstruktiv në rajonin e Ballkanit Perëndimor. Nënsekretari Mull theksoi rëndësinë strategjike që SHBA- të i japin integrimit të Shqipërisë në BE dhe vazhdimit të zbatimit të reformave të brendshme. Nënsekretari Mull njohu po ashtu Ministrin Bushati me mesazhet kryesore të Samitit të Helsinkit si dhe me pikëpamjet e Departamentit të Shtetit mbi zhvillimet më të fundit në Bashkimi Europian. Nënsekretari i Shtetit për Çështjet Politike, në Departamentin e Shtetit shprehu mirënjohjen dhe vlerësimin e SHBA- ve për partneritetin me Shqipërinë. "Këtë javë pata kënaqësinë të takoja Ministrin e Jashtëm të Shqipërisë, Ditmir Bushati në Uashington për të diskutuar kontributin e madh të Shqipërisë në komunitetin Transatlantik. SHBA është me fat që ka miq të tillë", shkruan Mull në Twitter pas takimit me ministrin e Jashtëm, Ditmir Bushati. Ministri Bushati zhvilloi dhe një takim me Senatorin Roger Wicker, Kryetari i Komisionit OSCE- Helsinki. Ka
ndërruar jetë në moshën 82- vjeçare aktivisti i shquar nga Kosova, Adem Demaçi. Lajmin për vdekjen e Demacit e ka bërë të ditur nënkryetari i Kuvendit të Kosovë Xhavit Haliti, gjatë seancës ku ishte duke u diskutuar për dialogun me Serbinë. Pasi është mbajtur një minutë heshtje në nderim të aktivistit të njohur, seanca e Kuvendit të Kosovës është ndërprerë për të rinisur sot. Adem Demaçi u lind më 26 shkurt të vitit 1936. Ai është dënuar me njëzet e tetë vite burg në kohën e ish- Jugosllavisë dhe ka mb- rojtur të drejtat dhe liritë e Kosovës. Demaçi ishte gazetar e shkrimtar, politikan e aktivist për të drejtat e njeriut. Pas ndarjes nga jeta të aktivistit të shquar nga Kosova, Adem Demaçi, në moshën 82- vjeçare, politika shqiptare ka shprehur ngushëllimet. Presidenti Ilir Meta, kryeministri Edi Rama, kryetari i PD, Lulzim Basha apo dhe kreu i Kuvendit, Gramoz Ruçi, shprehën keqardhje për këtë humbje. "Jam thellësisht i hidhëruar nga lajmi i ndarjes nga jeta të emblemës së qëndresës shqiptare, Adem Demaçi. Patrioti Adem Demaçi mbetet frymëzim për të gjitha brezat e shqi- ptarëve, një shembull dhe një model kombëtar i skalitur në historinë e shqiptarëve dhe të luftës kombëtare për pavarësinë e Kosovës",- shkroi dje, Meta. "Me vdekjen e Adem Demaçit mbyllet historia e jashtëzakonshme e një rebeli të llojit më të rrallë; shqiptar i llojit më të mirë, burrë i llojit më të veçantë, mik i llojit më të lartë. Pas një jete prej stuhie pambarim, ai u tret ngadalë e iku si zotnia që i tha të gjitha. Respekt!", u shpreh “Të tronditur si rrallë herë në jetë, ju dërgojmë ngushëllimet tona për humbjen e Ademit të shtrenjtë, mikut të pazëvendësueshëm, të domosdoshëm si rrallëkush për ne dhe për kombin”.
Rama. Kreu i PD- së, Lulzim Bash u shpreh se "Adem Demaçi si një ndër simbolet e qëndresës kombëtare, mbetet përherë në kujtesën e kombit që përkulet me mirënjohje të thellë para sakrificës dhe kontributit të tij të pavdekshëm për Kosovën". Edhe kreu i Kuvendit, Gramoz Ruçi tha: "Adem Demaçi, tribun popullor, vigan i lirisë. Na dha forcën për të luftuar për lirinë. Na dha kurajën për t'i rezistuar të keqes. Na dha vizionin për të ndri- çuar të ardhmen. Na dha talentin për të ndërtuar Kosovën e lirë. Ademi na dha mençurinë e tolerancën për të falur".