Abuzimet me rrugën Tiranë- Elbasan, lirohet nga burgu ish- drejtori i ARRSH, Dashamir Xhika
Dyshohet për akuzën e korrupsionit pasiv, prokuroria: I shkaktuan 50 milionë euro dëm shtetit "Arrest shtëpie" për ish- zyrtarin, shkak gjendja jo e mirë shëndetësore
Dashamir Xhika, ishkreu i Autoriteti Rrugor u lirua nga qelitë e paraburgimit me vendim të gjykatës së Apelit për Krimet e Rënda. Ish- zyrtari u arrestua 6 muaj më parë pasi dyshohet për abuzime me fondet e rrugës Tiranë- Elbasan. Ditën e martë Gjykata e Apelit i ndryshoi masën e sigurisë nga arrest me burg në arrest shtëpie, me argumentimin se ish- zyrtari nuk ndodhet në gjendje të mirë shëndetësore. Gjithashtu, në vendim theksohet se Xhika nuk është person me rrezikshmëri shoqërore dhe nuk ka mundësi që të prishë hetimet e për këto arsye duhet t'i zbutet masa e sigurisë. Në këto rrethana, gjykatësja Ilirjana Olldashi firmosi për ndryshimin e masës në "arrest shtëpie", në pritje për t'u përballur me gjykatën. Ish- kreu i Autoritetit Shqiptar të Rrugëve u prangos bashkë me disa zyrtarë të tjerë në muajin shkurt. Më herët Gjykata për Krime të Rënda caktoi masën e sigurisë "arrest me burg" për ish- drejtorin e Përgjithshëm të Rrugëve dhe dy vartësit e tij, Albens Alite dhe Aksel Qurduka, të dyshuar për abuzime me fondet e rrugës Tiranë- Elbasan. Sipas prokurorisë, tre zyrtarët në bashkëpunim me njëritjetrin, kanë bërë të paktën 12 amendime të kontratës fillestare, duke i shkaktuar shtetit një dëm prej afro 50 milion euro.
HETIMI
Ndaj Dashamir Xhikës dhe dy ish- zyrtarëve të tjerë Albens Alite dhe Aksel Qurduka rëndojnë akuzat e
shpërdorimit të detyrës, kryer në bashkëpunim dhe korrupsionit pasiv të zyrtarëve të lartë, pasi dyshohen për abuzime me fondet e rrugës Tiranë- Elbasan, si pasojë e të cilave i është shkaktuar
buxhetit të shtetit, një dëm prej 50 milionë euro. Edhe KLSH zbuloi shkelje në vitin 2016 për rrugën Tiranë- Elbasan dhe keqmenaxhim të projektit, por Ministria e Transporteve nuk mori masa. Në dosjen e prokurorisë thuhet se tre ish- zyrtarët në shkelje të detyrës dhe të ligjit, me veprime dhe mosveprime konkrete, me nënshkrime të amendimeve të kontratës për ndërtimin e rrugës, i kanë shkaktuar dëm të konsiderueshëm buxhetit të shtetit. Gjithashtu, theksohet se tre ishzyrtarët kanë likuiduar punime të kontraktuara më parë, kanë krijuar vonesa në vendimmarrjet për zgjidhjet teknike, dhe kanë pasur raste kur vlera e projektit të kontraktuar është më e Ndaj Dashamir Xhikës rëndojnë akuzat e shpërdorimit të detyrës, kryer në bashkëpunim dhe korrupsionit pasiv të zyrtarëve të lartë, pasi dyshohet për abuzime me fondet e rrugës TiranëElbasan, si pasojë e të cilave i është shkaktuar buxhetit të shtetit, një dëm prej 50 milionë euro.
lartë se ajo e diskutuar dhe e miratuar në parim nga këshilli teknik. Tre ish- zyrtarët sipas organit të akuzës, dyshohet se kanë vepruar me qëllim përfitimin e padrejtë monetar. Kallëzimi për abuzime ndaj Dashamir Xhikës u bë nga prokuroria e Elbasanit, konkretisht shpërdorim fondesh në ndërtimin e aksit rrugor Tiranë- Elbasan, më saktësisht në ndërtimin e rrugës së Gjinarit. Procedurat e rrugës së Gjinarit kanë nisur që në vitin 2009. "Dashamir Xhika, i cili ka ushtruar detyrën e Drejtorit të Përgjithshëm të ARRSH- së në periudhën tetor 2013- shtator 2017, është i dyshuar për kryerjen e veprës penale të ' Shpërdorimit të detyrës'", thuhej në urdhrin e arrestit të lëshuar nga Gjykata për Xhikën më 1 shkurt. Ndërsa mëngjesin e 2 shkurtit u arrestuan edhe 5 personat e tjerë. "Nga hetimet e kryera ka rezultuar se këta shtetas, sipas detyrave dhe funksioneve që kanë pasur, kanë kryer veprime dhe mosveprimeve të kundërligjshme, që kanë sjellë si pasojë shpërdorimin e fondeve publike në shumën rreth 50 milion euro, të dhëna nga buxheti i shtetit për realizimin e objektit "Sistemim asfaltim rruga e Gjinarit", dhe objekti nuk është realizuar", thuhet në vendimin e gjykatës. Në kuadër të hetimit ndaj Xhikës, në Prokurorinë për Krime të Rënda kanë dhënë shpjegime dy ish- ministrat e Transporteve nga radhët e LSI- së, Edmond Haxhinasto dhe Sokol Dervishi, ministri aktual Gjiknuri dhe mjaft zyrtarë e ish- zyrtarë të lartë.