Dekreti për Teatrin, Presidenca: Reagime emocionale, sipërfaqësore
Zëdhënësi i presidentit: Kreu i shtetit u mbështet në dokumentacionin e Kuvendit "Nëse do udhëhiqen nga interesi kombëtar, do ruhet trashëgimia"
Një ditë pas firmosjes së kthimit të dekretit për ndërtimin e godinës së Teatrit Kombëtar, Presidenti i Republikës shprehu keqardhjen për reagimet që pasuan vendimin e tij. Në një reagim të zëdhënësit të Presidentit të Republikës, Tedi Blushi u sugjerohet të gjithë atyre që kërkojnë një zgjidhje për këtë çështje të lexojnë me vëmendjen argumentet e dhëna në vendimin për dekretin. "Presidenti i Republikës, duke ndjekur reagimet politike pas publikimit të dekretit për kthimin për rishqyrtim në Kuvend të ligjit nr. 37/ 2018 ' Për përcaktimin e procedurës së veçantë për negocimin dhe lidhjen e kontratës me objekt: Projektimi dhe realizimi i projektit urban dhe godinës së re të Teatrit Kombëtar' shpreh keqardhjen për reagimet sipërfaqësore, emocionale e të pathelluara", tha zëdhënësi i presidentit. "Presidenti i Republikës i fton të gjithë të shqetësuarit për ndërtimin e një teatri të ri të kenë durim e të lexojnë me objektivitet dekretin, të gjithë arsyetimin, argumentet dhe konstatimet ligjore, të cilat bazohen vetëm në Kushtetutën e Shqipërisë, konventat e marrëveshjet ndërkombëtare ku vendi ynë është palë, detyrimet që lindin prej tyre dhe legjislacionin tonë në fuqi", thuhet në reagimin e Blushit. Sipas tij, "dekreti i Presidentit të Republikës i mbështet argumentet vetëm mbi dokumentacionin zyrtar bashkëshoqërues të ardhur nga Kuvendi i Shqipërisë". Zëdhënësi i Presidencës, Tedi Blushi theksoi se, "Presidenti i Republikës është i bindur se, nëse të gjithë do të udhëhiqen vetëm nga interesi kombëtar dhe publik, jo vetëm garantohet ruajtja e kompleksit teatror e restaurimi i tij si pjesë e trashëgimisë kombëtare, por edhe garantohet ndërtim i teatrit të ri në mënyrën më transpar- ente e më të përgjegjshme, duke respektuar plotësisht legjislacionin aktual, si dhe duke shmangur çdo konflikt artificial". Me këtë rast, Presidenti i Republikës fton të gjithë të interesuarit për zgjidhje të lexojnë me vëmendje në faqen zyrtare të Institucionit të Presidentit të Republikës http:// president. al/ njoftim- per- media/ dekretin, arsyet e kthimit për rishqyrtim në Kuvend të këtij ligji. Presidenti i Republikës, Ilir Meta i riktheu Kuvendit për rishqyrtim ligjin për projektin e godinës Sipas presidentit, ligji për godinën e re të Teatrit Kombëtar "cenon rëndë parimet kushtetuese të ndërtimit dhe funksionimit të organeve të pushtetit vendor të ' decentralizimit' dhe ' autonomisë vendore', duke rënë ndesh, njëkohësisht edhe me parimin e ndarjes dhe balancimit të pushteteve".
së Teatrit Kombëtar, duke e shoqëruar atë me 9 argumente ligjorë kundër. "Ky ligj shkel parimet e ' barazisë përpara ligjit' dhe ' lirisë së veprimtarisë ekonomike të shtetasve', parime këto të cilat gëzojnë një mbrojtje të veçantë nga Kushtetuta”.