Ilir Meta: Adem Demaçi, model për shqiptarët se si sakrifikohet për atdheun
Kosova i jep lamtumirën simbolit të rezistencës, "Mandelës" së Evropës Vajza e Demaçit: Kisha një baba që e ndava me të gjithë shqiptarët
Presidenti i Republikës, Ilir Meta ishte dje i pranishëm në ceremoninë mortore dhe homazhet shtetërore në nder dhe respekt të atdhetarit, luftëtarit të lirisë e simbolit të rezistencës kombëtare, "Mandelës" së Evropës, Adem Demaçi. Presidenti Meta u takua dhe u shprehu personalisht ngushëllimet dhe hidhërimin e thellë bashkëshortes, zonjës Xhemajlie Demaçi, si dhe vajzës, Abetare dhe djalit Shqiptar, të afërmve, miqve, bashkëluftëtarëve, bashkëvuajtësve e bashkëpunëtorëve të shumtë të të ndjerit Demaçi. Presidenti Meta vendoi një kurorë me lule duke bërë homazhe e duke nderuar kujtimin dhe veprën e luftëtarit të lirisë së Kosovës dhe simbolit të rezistencës shqiptare, i cili pas ceremonisë shtetërore të lamtumirës, do të prehet në Varrezat e Dëshmorëve në Velani. Në fjalën e rastit në ceremoninë shtetërore të mbajtur në sheshin "Gjergj Kastrioti Skënderbeu" në Prishtinë, Presidenti i Republikës, Ilir Meta, në prani të autoriteteve më të larta të Republikës së Kosovës duke filluar nga Presidenti Thaçi e me radhë, drejtuesit e institucioneve të Shqipërisë e Maqedonisë, Malit të Zi, Luginës së Preshevës dhe mijëra bashkatdhetarëve të ardhur nga mbarë trojet shqiptare e nga diaspora, u shpreh: "Jemi mbledhur sot këtu t'i japim lamtumirën e fundit heroit të pashembullt të rezistencës për liri e dinjitet kombëtar e njerëzor. Në jetën e tij prej shqiptari të ndershëm e fisnik, ai kurrë dhe asnjëherë nuk u dorëzua dhe nuk u step. Por qëndroi gjithmonë në këmbë e stoik, ballë për ballë me të keqen dhe tiraninë, në luftë me ata që shtypnin me dhunë popullin dhe kombin tonë. Qëndroi, luftoi dhe fitoi. Duke u bërë për të gjithë shqiptarët, modeli dhe shembulli i përkushtimit për atdheun, i sakrificës dhe i dashurisë për të, i vetëmohimit dhe i dedikimit me gjithçka e pa cak për lirinë e popullit", u shpreh Meta. Në ceremoninë e lam- tumirës që u mbajt në sheshin "Skënderbeu", presidenti i Kosovës, Hashim Thaçi e vlerësoi veprimtarin si zërin e ndërgjegjes kombëtare. Për t'i thënë fjalët e fundit ishte edhe kryeministri i Kosovës, Ramush Haradinaj, i cili e quajti unike veprimtarinë e Demaçit. Në emër të familjes, vajza e Adem Demaçit përcolli mesazhin e fundit që i ati i dha. "Unë kisha një baba që e ndava me të gjithë shqiptarët, sepse edhe mua më ka konsideruar si një pjesë të popullit të vet", tha Abetare Demaçi. Ndërkohë, në ceremoninë që u mbajt në nder të Deaçit, në Kuvendin e Kosovës, e pranishme ishte Asnjë zyrtar i Lidhjes Demokratike të Kosovës nuk ka marrë pjesë në ceremoninë e lamtumirës për veprimtarin dhe patriotin Adem Demaçi, i cili u shua në moshën 82vjeçare. "Klan Kosova" ka tentuar të kontaktojë me drejtuesit e kësaj partie, por disa kanë qenë të paarritshëm. Zyrtarë të tjerë nuk i kanë hapur telefonat ose nuk kanë dashur të flasin për këtë gjë.
nënkryetarja e Kuvendit të Shqipërisë, Vasilika Hysi. Në fjalën e saj, nënkryetarja Hysi tha: "Ndarja nga jeta e Adem Demaçit thërret për të na bërë më të fortë dhe forcën na e mësoi ta gjejmë në energjitë e tij të pashtershme, që burojnë nga shqiptarizmi dhe patriotizmi. Në vetëmohimin e tij për lirinë e Kosovës dhe liritë e shqiptarëve. Në sakrificat e tij të pashembullta në emër të demokracisë dhe përparimit. Në dhimbjen e tij për të gjitha gratë dhe burrat, vajzat dhe djemtë e Kosovës dhe të gjithë shqiptarëve. Në aftësitë dhe mësimet e tij të vyera për të ndërtuar demokracinë dhe institucionet e saj, në shërbim të të gjithë qytetarëve".