Konsumuan sufllaqe me mish në ish- Bllok, 11 persona përfundojnë në spital të helmuar
Pipero: Pacientët qëndruan 3 orë nën vëzhgimin e mjekëve
TIRANË - Konsumuan sufllaqe në një ' fast- food' në zonën e ish- Bllokut, por më pas përfunduan në spitalin infektiv në QSUT. Bëhet fjalë për 11 pacientë, të cilët u paraqitën mbrëmjen e së premtes në Shërbimin e Sëmundjeve Infektive me të vjella, diarre dhe temperaturë. Shefi i SHSI, Pëllumb Pipero u shpreh dje për "Klan Plus" se pacientët që i drejtohen infektivit janë të shumtë. Ai tha se çdo ditë në këtë spital mbërrijnë mbi 100 raste, ndërkohë që helmimet nga ushqimi zënë pjesën më të madhe të pacientëve që paraqiten. "Në rastin e mbrëmshëm ( të së premtes) ishin 10- 12 qyteta- rë që kanë ngrënë ushqim në një lokal, kanë konsumuar të gjithë sufllaqe me mish dhe të gjithë kanë pasur çrregullime gastrointenstinale, të cilat nënkuptojnë të përziera, të vjella, diarre dhe temperaturë", pohoi Pipero. Sipas mjekut infeksionist, pacientët kanë qëndruar 3- 4 orë nën vëzhgimin e mjekëve dhe pasi kanë marrë shërbimin mjekësor, janë larguar.
"Klan Plus" është drejtuar pranë Drejtorisë së Shëndetit Publik të Tiranës për rastin në fjalë, ku sipas specialistëve, është ngritur grupi i punës për të kryer hetimet dhe se janë bërë analizat e ushqimeve, si dhe të punonjësve. "Pranë një lokali, ku kemi marrë denoncimin, ka shkuar një grup për të marrë mostrat ushqimore, të ujit dhe kampionët e feçeve për personelin, i cili punon në atë lokal. Mendoj se nga dita e hënë do të dalin edhe rezultatet e para", tregoi shefja e Shërbimit të Epidemiologjisë, Ermelinda Musai. Nëse do të konfirmohet helmimi nga ushqimi, për subjektin do të merren masat që parashikohen në ligj, që nis me gjobë deri në mbyllje të aktivitetit.