Basha: Kush e gjen gjëegjëzën e Edvingut, fiton një "Toyota Yaris"
Kreu i opozitës ironizon kryeministrin, e akuzon për ndërhyrje në veting "Po mban bashkë trafikantin, ministrin dhe gjyqtarët"
Kryetari i Partisë Demokratike, Lul zim Basha ironizoi reagimin e djeshëm të kryeministrit Edi Rama, duke e cilësuar një "gjëegjëzë"." Gjëegjëzë Edvingu: Kush i lidh e i mban bashkë një trafikant të dënuar droge me vëllain ministër të Brendshëm, plus një gjyqtar që e shpëton nga ekstradimi ortakun e trafikantit të drogës, plus komisionerët e vetingut që e shpallin këtë gjyqtar të përshtatshëm për të vazhduar detyrën?!", shkroi dje Basha në një reagim të tij në rrjetin social "Facebook". E duke vijuar ironinë, ai tha se "kush gjen përgjigjen e saktë, fiton ' Toyota Yaris'", pikërisht "Toyota"- n që u gjet me 3.4 milionë euro në Durrës. Kryetari i opozitës i ktheu përgjigjen e tij "online", edhe të shtunën kryeministrit Rama, duke e cilësuar atë "kreun e oktapodit të drejtësisë". "Edi Rama është koka e oktapodit të drejtësisë, që mbron dhe nuk ndëshkon politikanët e korruptuar e të lidhur me krimin. Për të mbrojtur Tahirin, Xhafajn, Roshin, Frrokun, Dakon, Sejdinin, Ahmetajn dhe Gjiknurin me shokë, Edi Rama kapi Prokurorin e Përgjithshëm dhe zhduku Gjykatën Kushtetuese dhe Gjykatën e Lartë", u shpreh kryetari i PD- së. "Tani Edi Rama po mbron nga vetingu gjyqtarët e korruptuar si Toska, Dvorani dhe Faqolli, si shpërblim për dosjet që mbyllën dhe si kapar për dosjet që duhen mbyllur. Sa herë PD denoncon me fakte konfirmimin në detyrë në kundërshtim me ligjin e vetingut të shërbëtorit të Edi Ramës në Gjykatën e Lartë, Ardian Dvorani, Edi Rama reagon me akuza të dala boje kundër opozitës", u shpreh kryetari i PD- së, Basha. Sipas tij, "vetingu i kontrolluar politikisht prej Ramës ka konfirmuar në detyrë gjyqtarë e prokurorë të korruptuar, pavarësisht rekomandimit të Operacionit Ndërkombëtar të Monitorimit për shkarkimin e tyre. Ndaj, atij i ka rënë maska dhe tregohet botërisht me gisht si njeriu që mbron korrupsionin në drejtësi, për të mbrojtur interesat e veta dhe të krimit të organizuar me të cilin bashkëqeveris". Kryetari i opozitës, Lulzim Basha propozoi 7 kushte për dialog me maxhorancën sa i përket ligjit për magjis-