PD: Dvorani pengoi ekstradimin e anëtarit të bandës së Agron Xhafajt
Organet
e vetingut duhet të japin përgjigje për dy shimet se Ardian Dvorani i ka shërbyer krimit të organizuar duke ndihmuar bandën e Agron Xhafajt", deklaroi dje nënkryetari i grupit parlamentar të PDsë, Gent Strazimiri. Në një deklaratë nga selia e PD- së, Strazimiri u shpreh se, "Ardian Dvorani, gjyqtari simbol i drejtësisë së kalbur nga korrupsioni dhe lidhjet me krimin e organizuar, i konfirmuar në detyrë nga organet e vetingut është marrë nën mbrojtje publike nga tutori i tij, Edi Rama, për të kaluar në heshtje faktet që provojnë se ai duhet të ishte shkarkuar nga detyra". "Partia Demokratike pyeti dy ditë më parë, nëse organet e vetingut e kishin verifikuar faktin e kontaktit të papërshtatshëm të Ardian Dvoranit, mikut të Fatmir Xhafajt me vëllanë e tij, Agron Xhafaj, i dënuar me burg si anëtar i një organizate kriminale dhe trafikant ndërkombëtar droge. Duke mos marrë përgjigje mbi këtë fakt, sot Partia Demokratike pyet përsëri dhe drejtpërdrejtë organet e vetingut: - A ka qenë Ardian Dvorani ndërmjetësi i Agron Xhafajt me anëtarët e Kolegjit Penal të Gjykatës së Lartë për të vendosur mosekstradimin në Itali të Gramoz Murataj, anëtarit të bandës së Agron Xhafajt, i dënuar bashkërisht me të për trafik ndërkombëtar droge?", u shpreh Strazimiri. Ai pyeti nëse janë takuar Fatmir dhe Agron Xhafaj me gjyqtarin Ardian Dvorani gjatë asaj periudhe. Sipas tij, "Ardian Dvorani u konfirmua në detyrë duke pasur në dosje edhe shërbimin që i bëri Edi Ramës me vendimin e tij lidhur me çështjen e sekuestrimit të pasurive të paligjshme të baronit të drogës Klement Balili".