Rama: Opozita si Fronti Demokratik i Lagjes, kundër vetingut me libër shtëpie

Kryeministri iu përgjigjet akuzave të opozitës: Vetingu, si ilaç gjarpërinjsh "Në vend të letrave anonime janë shpifjet dixhitale të Saliut"

Kryeministri Edi Rama iu përgjigj dje me një koment të shkurtër të gjitha deklaratave dhe akuzave që i kanë ardhur nga selia e Partisë Demokratike. "Vetingu, si ilaç gjarpërinjsh dhe opozita me libër shtëpie kundër vetingut si Fronti i dikurshëm Demokratik i Lagjes! Në vend të letrave anonime janë shpifjet dixhitale të Saliut. Në vend të këndit të fletërrufeve, janë recituesit e Lulit. Në vend të kryetarit është vetë Luli", shkroi dje në një koment të shkurtër në rrjetin social "Facebook", Rama. Nisur edhe nga qëndrimet publike të disa deputetëve të PD- së sa i përket situatës bllokuese me gjykatat si dhe ligjin për shkollën e Magjistraturës, kreu i qeverisë ka preferuar të komunikojë në distancë me PD- në, tashëm që edhe parlamenti përfundoi. Edhe dje, kryeministri Edi Rama dhe kreu i PD, Lulzim Basha janë përplasur në lidhje me vetingun. Shefi i qeverisë ishte i pari, i cili në një status në ' FB' tha se vetingu po vijon të godasë me sukses në kokë oktapodin e korrupsionit degjenerues në drejtësi. Sipas kryeministrit, për fatkeqësinë e zgjedhësve të saj që e mbështesin vetingun, njësoj si gjithë qytetarët, e për turpin e saj më të madh, opozita hidhet përpjetë pas çdo goditje. Rama i cilëson opozitën dhe kundërshtarët e reformës në drejtësi si humbës pa pikë dinjiteti. "Vetingu vijon të godasë me sukses në kokë oktapodin e korrupsionit degjenerues në drejtësi. Po për fatkeqësinë e zgjedhësve të saj që e mbështesin vetingun, njësoj si gjithë qytetarët e për turpin e saj më të madh, opozita hidhet përpjetë pas çdo goditje", shkroi dje Rama. Edhe pak ditë më parë kryeministri u shpreh: "Fiks dy vjet më parë kaloi pas njëmijë qametesh reforma në drejtësi. Sot pastrimi i llumit të madh ka nisur pa ndalim. Ndërsa ata njësoj si atëherë i bien njëri gozhdës e tjetri patkoit dhe po njësoj SHBA- BE u kërkojnë t'i thërrasin mendjes. Sa gjynah për këdo i beson e dëgjon ende". Tashmë duket se lufta politike është transferuar në

shtator, kur të nisë edhe parlamenti, pasi të gjitha shanset për të arritur një kompromis skaduan edhe me mbylljen e seancës së fun-

dit të Kuvendit më 23 korrik. Gjithsesi, mazhoranca ka lënë të hapur mundësinë që të gjejnë gjuhën e përbashkët me opozitën edhe gjatë Në seancën e fundit të Kuvendit mazhoranca dhe opozita nuk arritën të gjejnë gjuhën e përbashkët për të miratuar ligjin për shkollën e Magjistraturës. Edhe me thirrjen e kreut të Kuvendit, Gramoz Ruçi, por edhe me deklaratën e bërë nga deputeti i LSI- së, Luan Rama duket se kjo është shtyrë për në shtator.

verës. Ruçi ka bërë të qartë se mund të mbledhë seancë të jashtëzakonshme për "Magjistraturën" edhe në gusht.