Legalizimet, 5000 personat që kanë gati lejet e legalizimeve

Lista/ Sa do të jetë sipërfaqja e tokës që do të marrë çdo familje. Procedura që duhet ndjekur ALUIZNI: Ja emrat e përfituesve në Tiranë dhe rrethe

ALUIZNI publikon listën me 5000 perso na që kanë ndërtuar pa leje dhe kanë lejet e legalizimeve. Përfituesit janë në Tiranë, Durrës, Berat, Elbasan, Gjirokastër, Kamëz, Kavajë, Korçë, Kukës, Lezhë, Lushnje, Krujë, Sarandë dhe Fier. Drejtoria e ALUIZNI- t njofton qytetarët se duhet të paraqiten pranë zyrave të ALUIZNI- t për të tërhequr lejen ndërmore. Ndërkohë që procedurat për marrjen e tapisë do të ndiqen nga AULIZNI, i cili dorëzon dosjen e plotë në Hipotekë. Kjo drejtori ka mbyllur të gjithë procesin për 5000 dosjet, të cilat tani kanë gati lejet dhe për pak ditë marrin certifikatën e pronësisë. Menjëherë pas regjistrimit të certifikatës së pronësisë, përfituesit do të njoftohen për tërheqjen e saj. Pas ndryshimeve të fundit ligjore, qytetari do të marrë një kopje për të vërtetuar mbarimin e procesit të legalizimit, por e gjithë procedura vijuese për regjistrimin në Zyrën e Regjistrimit të Pasurive të Paluajtshme do të bëhet nga Agjencia. Ndërko- hë që sipërfaqja e parcelës për të cilën miratohet kalimi i së drejtës së pronësisë nuk mund të jetë më e madhe se trefishi i sipërfaqes së bazës së ndërtimit dhe për ndërtimet pa leje me funksion banimi, jo më shumë se 500 m ² . Sipërfaqet mbi masat e përcaktuara në këtë pikë, të cilat për shkak të për- masave ose konfiguracionit nuk mund të shfrytëzohen më vete për ndërtim, i shiten poseduesit të ndërtimit pa leje sipas vlerës së pronës, të miratuar me vendim të Këshillit të Ministrave, vetëm nëse ka shprehur më parë vullnetin nëpërmjet një kërkese me shkrim. Ndërsa në rastin kur ndërtimi pa leje disponohet nga më shumë se një person fizik ose juridik, regjistrimi i pjesëve takuese mbi pasuritë ( parcelë dhe objekt) kryhet: në pjesë të pandara, ideale, sipas numrit të subjekteve; në pjesë takuese të ndara, sipas marrëveshjes së nënshkruar ndërmjet subjekteve lirisht dhe të depozituara brenda afatit të vetëdeklarimit. Subjektet mund të përcaktojnë përveç pjesës takuese, edhe pjesët fizike respektive nëse ndërmjet tyre përputhet vullneti. Ditën e nesërme "Gazeta Shqiptare" do të vijojë me publikimin e emrave të personave që kanë përfituar lejet e legalizimeve.