Ministri gjerman: Aktorët politikë në Shqipëri të mbështesin reformat
Bushati në Gjermani: 12 muajt e ardhshëm do i shfrytëzojmë maksimalisht Maas: Keni arritur rezultate, përpjekjet janë impresionuese
Ministri për Evropën dhe Punët e Jasht me, Ditmir Bushati ishte dje në Gjermani, ku zhvilloi një takim me Ministrin e Jashtëm gjerman, Haiko Maas. Ministrat diskutuan mbi marrëdhëniet e shkëlqyera mes dy vendeve dhe kontributin e madh që Gjermania ka dhënë për Shqipërinë dhe perspektivën e saj të integrimit në Bashkimin Evropian. Në këtë kuadër u ra dakord që axhenda të vijojë me intensitet të plotë. Ministri Bushati falënderoi Gjermaninë për qëndrimin e qartë për sa i takon vendimmarrjes së fundit të BE- së. "Rruga jonë është e qartë për sa i përket 2019- ës dhe 12 muajt e ardhshëm do t'i shfrytëzojmë maksimalisht, duke punuar ngushtësisht me Komisionin Evropian për procesin "screening", nënvizoi Bushati. Ministri Maas nënvizoi se Shqipëria është një partner i rëndësishëm dhe spirancë stabiliteti. Duke vlerësuar reformat e ndërmarra nga Shqipëria si impresionuese dhe shembull për rajonin sa i takon reformës në drejtësi, ai shtoi se, "është vendimtare që kjo rrugë të vazhdojë", ndërsa u bëri thirrje aktorëve politikë në vend të mbështesin këto reforma të rëndësishme për vitin 2019. Ministri Maas shprehu bindjen se integrimi i Ballkanit Perëndimor në Bashkimin Evropian është në interesin e kësaj të fundit për të shmangur shtrirjen e ndikimit të forcave të treta në rajon. Në një postim në "Twitter" pas takimit që pati me homologun shqiptar Ditmir Bushati, kryediplomati gjerman shkruan se shqiptarët kanë çdo arsye të jenë krenarë për këtë. Në takimin me Bushatin, ministri i Jashtëm gjerman tha se është në "interesin strategjik" të Bashkimit Evropian të zgjerohet në Ballkanin Perëndimor, sepse përndryshe Kina dhe Rusia do të fi-
tojnë ndikim në vendet e rajonit. Heiko Maas tha të hënën se Maqedonia dhe Shqipëria kanë filluar të vënë në vend reformat e kërkuara për anëtarësimin në BE. Maas tha se ai "është i bin-
dur se njerëzit në Ballkanin Perëndimor duan të jetojnë ashtu siç bëjmë në Evropë dhe jo në mënyrën duan të jetojnë njerëzit në Kinë apo Rusi". "Gjermania - shtoi Maas - është shumë, shumë pozi- Në takimin me Bushatin, ministri i Jashtëm gjerman tha se është në "interesin strategjik" të Bashkimit Evropian të zgjerohet në Ballkanin Perëndimor, sepse përndryshe Kina dhe Rusia do të fitojnë ndikim në vendet e rajonit.
tive për zgjerimin e BE- së në Ballkanin Perëndimor, sepse jemi të bindur se është në interesin strategjik të një Evrope të lirë. Të dy ministrat u ndalën edhe tek siguria dhe klima me të cilin për-
ballet Ballkani Perëndimor dhe roli i Shqipërisë si faktor paqeje dhe stabiliteti. Për ministrin Bushati, klima e sigurisë në rajon do të vijë vetëm duke u përmirësuar për sa kohë që perspektiva evropiane e ra-
jonit është e qartë dhe konkretizohet nga instrumente dhe veprime konkrete. Ministrat Bushati dhe Maas u ndalën dhe tek bashkëpunimi në kuadër të OSBE- së si dhe për shkollën e magjistraturës.