Ndahet nga jeta ish- ministri Luan Hajdaraga, Rama e Meta: Burrë i paqtë
Braçe rrëfen historinë: Si na shpëtoi jetën Hajdaraga, ka qenë një kohë kur PS nuk ishte kjo Sot, ceremonia e homazheve në sallën e Kuvendit
shtë ndarë nga jeta në moshën 69- vjeçare ish- ministri i Mbrojtjes, Luan Hajdaraga. Ishdeputeti dhe nënkryetar i Partisë Socialiste për shumë vite pësoi disa muaj më parë një hemorragji në tru, teksa kthehej nga Struga, ku kishte shkuar për të dhënë mësim në universitetin e atij qyteti. Ai u shtrua me urgjencë në spital, ndërsa më datën 23 maj qeveria akordoi 1.9 mln lekë për trajtimin mjekësor të tij. Por gjendja e tij u përmirësua dhe pas trajtimit në Qendrën Spitalore Universitare "Nënë Tereza", Hajdaraga la ambientet e spitalit. Burime nga familja i thanë "BalkanWeb", se dje ai pësoi arrest kardiorespirator dhe me gjithë ndihmën e dhënë në QSUT, nuk mundi të përballonte dot për të qëndruar në jetë. Kuvendi i Shqipërisë do të organizojë sot një ceremoni homazhesh në ndër të kujtimit të ish- ministrit të Mbrojtjes, Luan Hajdaraga. Sipas informacioneve zyrtare, homazhet do të mbahen në sallën e seancave plenare ditën e nesërme nga ora 10: 00- 12: 00. Ndërkohë, pas homazheve, Hajdaraga do të përcillet për në banesën e fundit në orën 13: 00, ku trupi i tij do të prehet në varrezat e Tufinës.
NGUSHËLLIMET
Për ndarjen nga jeta të ishministrit Hajdaraga pati dje mjaft reagime. Miq e bashkëpunëtorë të tij veçanërisht nga PS e LSI shprehën ngushëllimet për familjarët e ishministrit. Presidenti i Republikës, Ilir Meta, duke e cilësuar "mik të vjetër dhe të dashur" shprehet në mesazhin e tij: "Luani mbetet një nga përkrahësit më të vendosur të integrimit të Shqipërisë në Bashkimin Evropian dhe si ministër i ngarkuar i Punëve të Jashtme. Ai dha kontributin e tij të rëndësishëm në këtë proces. Me humbjen e tij opinioni publik shqiptar humbi një nga analistët më në zë dhe objektivë të çështjeve të sigurisë, atyre të politikës së jashtme, por edhe të problemeve sociale për të cilat ai fliste me pasionin e tij të rinisë". Kryeministri Edi Rama u shpreh: "I trishtuar për lajmin e ndarjes nga jeta të mikut tim, Luan Hajdaraga. Burrë i paqtë e i arsyeshëm, që diti gjithnjë të mos prishë qejf me asnjë. U prehtë në paqe!". Ndërsa kryetari i Kuvendit, Gramoz Ruçi shkroi në mesazhin ngushëllues për familjen e ish- ministrit: "Luan Hajdaraga ishte një njeri i rrallë, që ia kushtoi jetën, aftësitë dhe kontributin e tij të shquar arsimit, kulturës, politikës dhe interesit publik. Si bashkëthemelues dhe zëvendëskryetar i Partisë Socialiste të Shqipërisë, Luan Hajdaraga kontribuoi si rrallëkush me kapacitetet, pasionin dhe përkushtimi e tij për ndërtimin e së majtës moderne shqiptare dhe përpunimin e zbatimin të programit të saj politik dhe qeverisës", shkroi Ruçi.
RRËFIMI I BRAÇES
Deputeti Erjon Braçe veç ngushëllimeve për humbjen e ish- kolegut të tij socialistit, Luan Hajdaraga ka rrëfyer