Rama nxjerr raportin: Shqipëria pritet të ketë rritje të qëndrueshme
Kryeministri: "Standard and Poor's" konfirmon zhvillimin ekonomik "Performanca fiskale është përmirësuar"
Kryeministri Edi Rama publikoi dje konkluzionet e raportit të agjencisë prestigjioze të vlerësimit të ekonomisë "Standard and Poor's", duke thënë se është konfirmuar rritja. Duke iu përgjigjur komentuesve që ankohen për gjendjen e vështirë me të cilën përballen e gjithashtu edhe kritikave për politikat që po ndjek qeveria e tij, Rama u shpreh: "Shqipëria pritet të ketë një rritje të qëndrueshme ekonomike dhe ka pak gjasa të pësojë zhbalancime fiskale ose të jashtme, gjatë tre a katër viteve të ardhshme". Sipas Ramës, performanca fiskale e vendit është përmirësuar ndjeshëm në vitet e fundit, mbështetur nga rritja e qëndrueshme ekonomike dhe nga një kuadër fiskal i përmirësuar, i cili tani përfshin edhe një frenim të formalizuar të deficitit ( Ligji Organik Buxhetor). Ai citon agjencinë prestigjioze të vlerësimit të ekonomisë "Standard and Poor's", se njeh përpjekjet e qeverisë për të përmirësuar sundimin e ligjit dhe për të luftuar ekonominë informale, për të arritur statusin e kandidatit formal për pranimin në BE. "S& P parashikon që ecuria fiskale e Shqipërisë të mbetet pozitive deri në vitin 2021 dhe më e mirë se vendet me vlerësim të ngjashëm. Kjo si rezultat i pritshmërive pozitive të rritjes ekonomike dhe kontrollit të deficitit buxhetor nga qeveria", shkroi Rama në "Facebook". Kryeministri shprehet se ky përfundim s'ka nevojë për komente, pasi aty konfirmohet ecuria pozitive e zhvillimit ekonomik të Shqipërisë. Pak ditë më parë ministri i Financave dhe Ekonomisë, Arben Ahmetaj njoftoi këtë raport të "Standard and Poor's", duke thënë: "Sërish notë pozitive për ekonominë shqiptare". "Agjencia prestigjioze e vlerësimit, ' Standard and Poor's' jep një tjetër vlerësim pozitiv për eko- nominë e Shqipërisë, duke konfirmuar notën ' B+', me perspektivë të qëndrueshme si ekonomike, ashtu edhe fiskale për periudhën në vijim", u shpreh Ametaj. Në raportin e publikuar më 3 gusht, "S& P vlerëson se performanca fiskale e vendit është rritur ndjeshëm në vitet e fundit, mbështetur nga rritja e qëndrueshme ekonomike dhe nga një kuadër fiskal i përmirësuar, Pak ditë më parë ishte ministri i Financave dhe Ekonomisë, Arben Ahmetaj që njoftoi këtë raport të "Standard and Poor's", duke thënë: "Sërish notë pozitive për ekonominë shqiptare. Agjencia prestigjioze e vlerësimit ' Standard and Poor's' jep një tjetër vlerësim pozitiv për ekonominë e Shqipërisë, duke konfirmuar notën ' B+', me perspektivë të qëndrueshme si ekonomike, ashtu edhe fiskale për periudhën në vijim", u shpreh Ametaj. i cili tanimë e ka vendosur detyrim në ligj kontrollin rigoroz të deficitit dhe uljen e tij, duke vendosur nën kontroll risqet e lidhur me të. Në të njëjtën kohë vlerësohet performanca në rritje e të ardhurave buxhetore, mirëadministrimi si rezultat edhe i uljes së informalitetit, kontrolli dhe ulja e shpenzimeve dhe vazhdimi i reformave strukturore nga ana e qeverisë, kryesisht ajo në sistemin e drejtësisë, të cilat pritet të reflektohen në një renditje më të lartë vitin e ardhshëm", u shpreh ministri i Financave.