PD: Ndal qeverisjes "Rama", rrezikojmë skenarin më të keq
Deputetja Duma sulmon qeverinë për varfërinë: 1.7 milionë shqiptarë jetojnë në varfëri "Pas 202 vitesh arrihet e mesmja europiane"
Partia Demokratike akuzoi dje qeverinë si shkaktare të gjendjes së rënduar ekonomike, e cila ka çuar në rritjen e nivelit të varfërisë në vend. "Duke iu referuar shifrave për vitin 2018, në raportet e Eurobarometrit dhe Barometrit për Ballkanin, opozita shprehet përmes sekretares Grida Duma se papunësia dhe korrupsioni vijojnë të jenë dy nga shkaqet kryesore që kanë ndikuar në përkeqësimin e jetës së shqiptarëve. Eurobarometri i 2018- ës për Shqipërinë fakton që 1 milionë 750 mijë shqiptarë deklarojnë që gjendja e tyre ekonomike është plotësisht e keqe. Po ashtu, Eurobarometri tregon se për 67% të shqiptarëve papunësia është problemi më i madh i tyre. Një tjetër raport i rëndësishëm, Barometri për Ballkanin tregon se 51% e shqiptarëve deklarojnë se janë të përjashtuar nga shoqëria se nuk gjejnë dot punë. 48% e shqiptarëve deklarojnë që problemin më të madh me korrupsionin e kanë në shëndetësi, spitale dhe ilaçe". Por, Partia Demokratike përmes sekretares së Marrëdhënieve me Publikun, Grida Duma bëri dje përgjegjëse qeverinë "Rama" për rritjen e nivelit të papunësisë në vend. Sipas Dumës, një numër më i madh shqiptarësh kanë deklaruar se gjendja e tyre ekonomike është më e përkeqësuar këtë vit krahasuar me një vit më parë, referuar shifrave të Eurobarometrit të BE- së. Deputetja e PD- së, Grida Duma lexoi shifrat e raportit të Eurobarometrit të 2018 për Shqipërinë, sipas të cilit 1 milion 750 mijë shqiptarë deklarojnë që gjendja e tyre ekonomike është plotësisht e keqe. "Eurobarometri, matësi i Bashkimit Europian për ecurinë e vendeve europiane dhe të Ballkanit Perëndimor po konfirmon vit pas viti përkeqësimin e treguesve të zhvillimit të Shqipërisë. Tri problemet më të mëdha për shqiptarët janë ekonomia, papunësia dhe korrupsioni. Eurobarometri i 2018- ës për Shqipërinë fakton që 1 milion 750 mijë shqiptarë deklarojnë që gjendja e tyre ekonomike është plotësisht e keqe. Vetëm në një vit, pra