Baza e NATO- s, PD: E mirëpritur, por qeveria të mos e përdorë si fishekzjarrë
Tritan Shehu: I gjithë rrugëtimi i Shqipërisë drejt NATO- s lidhet me PD
Partia
Demokratike ka reaguar për herë të parë pas vendimit të Këshillit të Atlantikut të Veriut, për të ndërtuar në Shqipëri bazën e parë ajrore në Ballkanin Perëndimor. Përmes një postimi në rrjetin social "Facebook", deputeti demokrat Tritan Shehu, nënkryetar i Komisionit të Jashtëm tha se, "çdo rritje e prezencës së NATO- s në Shqipëri është thellësisht e dëshiruar, stimuluar dhe mirëpritur nga ne, kjo është e shkruar në gjenet tona". Ai kujton se, "i gjithë rrugëtimi i Shqipërisë drejt NATO- s lidhet me PD, qeverisjet e saj, deri në anëtarësimin e plotë tonin aty. PD që me ' lindjen' e saj, ndryshe edhe nga partitë e tjera të krijuara në ish- bllokun komunist, konfirmoi vullnetin tonë për BE e NATO. Më tej, më qershor të 1992, pra dy muaj mbas formimit të qeverisë sonë, Shqipëria aplikon e pranohet në Këshillin e Bashkëpunimit të Atlantikut të Veriut. Më dhjetor 1992, Berisha viziton selinë e NATO- s, ku pritet nga Sekretari i Përgjithshëm, i cili në mars 1993 viziton vetë Sh- qipërinë", kujtoi një nga një hapat e hedhur Tritan Shehu. "Më 23 shkurt 1994, Berisha nënshkroi dokumentin Kuadër të Partneritetit për Paqe me NATO- s, duke e bërë Shqipërinë anëtaren e parë nga vendet ish- komuniste të saj. Më 20 prill, Kuvendi i Shqipërisë ratifikoi këtë dokument, me gjithë kundërshtitë e socialistëve në këto periudha", kujtoi deputeti demokrat. Sipas tij, "tani ne jemi anëtarë të NATO- s dhe si të tillë kemi përfitimet madhore, por edhe obligimet e mëdha ndaj kësaj aleance, obligime që lidhen me elementët financiarë, pjesëmarrjes, thellimin e demokracisë, luftës sonë ndaj krimit, drogës, trafiqeve, terrorizmit, racionalitetit në politikat rajonale dhe ato të jashtme etj., ndër të cilat fatkeqësisht jemi shumë larg asaj që kërkohet nga një vend anëtar në seriozitet, impen- jim e rezultate. Pra, është më e dobishme që kjo qeveri të përpiqet të realizojë ' detyrat e shtëpisë' e të mos përdorë vendime të mund- shme pozitive të NATO- s ndaj nesh e rajonit si ' fishekzjarrë' politikë për të kamufluar realitetin tonë të brendshëm", tha Shehu.