Zbardhen datat për aplikimet dhe regjistrimet në universitete

Fituesit e raundit të parë shpallen brenda 28 gushtit. Mundësitë për jofituesit Kur mund të çregjistroheni nga një program studimi

Të gjithë maturantët që kanë aplikuar në një prej programeve të studimit në universitete, tashmë mund të njihen me procedurën e datat për aplikimin dhe regjistrimin në universitete në të tria raundet. "Gazeta Shqiptare" publikon sot kalendarin e plotë me datat e aplikimeve, datat e afishimit të listave të renditjes së kandidatëve, afatet e regjistrimit pranë sekretarive mësimore si dhe datat e çregjistrimit. Kështu, aplikimin në portalin "u- Albania" në raundin e parë maturantët patën mundësi ta kryenin nga 30 korriku deri në 4 gusht të këtij viti. Të gjitha të dhënat e plotësimit të formularit A2 u kanë kaluar universiteteve, të cilat do bëjnë renditjen e kandidatëve sipas pikëve të grumbulluara. Ndërkohë, brenda 28 gushtit 2018 do të afishohen dhe publikohen listat me renditjen e aplikantëve, ndërsa regjistrimi i fituesve në raundin e parë do të bëhet nga 30 gushti deri në 12 shtator. Por kandidatët për universitete kanë të drejtë që në 13 shtator të çregjistrohen nga programi i studimit ku janë regjistruar dhe të riaplikojnë në raundin e dytë.

RAUNDI I DYTË

Riaplikimet në portalin "u- Albania" mund të kryhen sërish nga maturantët në afatin kohor 15- 20 shtator 2018, çka do të shënojë edhe hapjen e raundit të dytë. Ndërkohë, afishimi dhe publikimi i listave të

renditjes së aplikantëve në këtë raund do të bëhet brenda 25 shtatorit 2018 e më tej në datat 27 shtator6 tetor fituesit mund të regjistrohen pranë sekretarive mësimore. Edhe në raundin e dytë, maturantët kanë mundësi që të çregjistrohen sërish nga programi i studimit ku u shpallën fitues për të riaplikuar sërish në raundin e

Të gjithë ata kandidatë që kanë aplikuar në një prej degëve të studimit në universitete në raundin e dytë, por ende nuk janë regjistruar kanë mundësi të regjistrohen pranë sekretarive mësimore në datat 9- 13 tetor të këtij viti. Sakaq, aplikantët që nuk janë shpallur fitues as në raundin e parë, as në raun-

din e dytë, mund të riaplikojnë sërish në afatin kohor 15- 18 tetor 2018. Ndërkohë, regjistrimi i kandidatëve të miratuar në sekretaritë mësimore do të bëhet në 19 dhe 20 tetor për

t'i dhënë fund kështu procesit të aplikimit dhe regjistrimit në universitete për vitin e ri akademik 2018- 2019. Çdo raund do të përbëhet nga 7 faza 48- orëshe secila.