Rriten spekulimet për kufijtë kosovarë, avionët serbë ngrihen mbi Luginën e Preshevës
Ivica Daçiç: Ende është e hapur mundësia për dialog
Serbia
nis stërvitjet ajrore në jug të vendit, ndërkohë që Ministria serbe e Mbrojtjes njoftoi fillimin të hënën të një stërvitjeje që do të zgjasë për 4 ditë, ndërsa nga ana tjetër, kryefjalë qëndrojnë spekulimet për bashkimin e Luginës së Preshevës me Kosovën. Manovrat ajrore përfshijnë Nishin dhe rajonet e tjera jugore, përfshirë edhe Preshevën, Medvegjën dhe Bujanovcin, të populluara nga shqiptarë etnikë. Manovrat, sipas Ministrisë serbe të Mbrojtjes, janë planifikuar kohë më parë. Megjithatë, njoftimi është publikuar në një moment kur autoritetet serbe, ato kosovare dhe ndërkombëtare i druhen një përshkallëzimi të tensioneve në veri të Kosovës, për shkak të skadim- it të afatit për krijimin e Shoqatës së Komunave Serbe. Frika nga përshkallëzimi i tensioneve detyroi forcat e KFOR- it të shtojnë praninë në veri të Kosovës. Prej 4 gushtit, forcat e NATO- s morën kontrollin pranë liqenit të Gazivodës në kufirin Kosovë- Serbi. Prani të shtu- ar të tyre ka edhe në veri të Mitrovicës. Zyrtarisht, përfaqësuesit e KFOR thanë se bëhet fjalë për vetëm për një stërvitje të planifikuar kohë më parë. Ndërkohë që për ministrin e Jashtëm serb, Ivica Daçiç çdo propozim lidhur me dialogun me Kosovën është një mundësi e mirë. Ai thotë se duhen të bëhen përpjekje për marrëveshje kompromisi, që do të ishte në interes të të gjitha palëve. Daçiç, megjithatë ka deklaruar se shqiptarët janë problemi kryesor për arritjen e kompromisit, pasi duan jo vetëm njohjen e Kosovës, por edhe bashkimin e luginës së Preshevës. Ai ka folur për ndryshim të pozicionit të SHBA- ve dhe Rusisë në lidhje me Kosovën. Ai ka theksuar se ardhja e ndihmësekretarit amerikan të Shtetit, Wess Mitchel, ka qenë vendimtare për ndryshimin e qëndrimit të administratës amerikane.