DASH: Kosova dhe Serbia të shmangin retorikën negative
Debatet për korrigjimin e kufijve, SHBA kërkon marrëveshje mes palëve Tahiri: Të mbyllet sa më shpejt debati
Departamenti Ameri kan i Shtetit u bëri thirrje Kosovës dhe Serbisë që të shmangin retorikën negative dhe të punojnë së bashku për një marrëveshje, që siguron qëndrueshmëri për të dyja vendet dhe rajonin. Një zëdhënës i Departamentit të Shtetit i tha "Zërit të Amerikës" se, "politika e kësaj administrate është e qëndrueshme: thelbi i çdo marrëveshjeje për normalizimin e marrëdhënieve ndërmjet Kosovës dhe Serbisë duhet të vijë nga vetë palët. Ne do të vazhdojmë të mbështesim të dyja palët dhe Bashkimin Evropian si lehtësues. Kosova dhe Serbia duhet të arrijnë një marrëveshje që është e zbatueshme, e qëndrueshme dhe nuk krijon paqëndrueshmëri në asnjërin vend apo në rajon. Kjo do të kërkojë largpamësi dhe elasticitet nga të dyja anët. Ne inkurajojmë palët që të marrin pronësinë e plotë të procesit, të ulin retorikën negative dhe të punojnë së bashku në mënyrë konstruktive", thuhet në deklaratën për "Zërin e Amerikës". Ditëve të fundit janë shtuar idetë e hedhura nga të dyja palët për ndarjen tokësore të Kosovës, shkëmbimin e territoreve apo "korrigjimin e kufirit" në kuadër të procesit të normalizimit të marrëdhënieve ndërmjet Kosovës dhe Serbisë. Bisedimet pritet të rifillojnë në shtator dhe do të duhej të çonin në
një marrëveshje gjithëpërfshirëse detyruese ligjore për normalizimin e marrëdhënieve ndërmjet Kosovës, që ka hyrë në vitin e 11- të pavarësisë dhe Serbisë që vazhdon ta kundërshtojë atë. Marrëveshja është kusht për të dyja palët që të përparojnë në rrugën e tyre
drejt integrimit në Bashkimin Evropian. Ish- kryenegociatorja në bisedimet e Brukselit mes Kosovës dhe Serbisë, Edita Tahiri ka theksuar se tema rreth korrigjimit ose shkëmbimit të territoreve mes Prishtinës dhe Beogradit duhet të mbyllet sa më parë. Ajo ka
thënë në një intervistë për "Telegrafin" se idenë e shefit të shtetit të Kosovës nuk po e përkrahin institucionet dhe partitë politike në Kuvendin e Kosovës. "Unë jam dhe kam qenë çdoherë kundër shkëmbimit të territoreve ose korrigjimit të kufijve, sepse kjo do t'i le-
verdiste më tepër Serbisë. Në anën tjetër, për këto tema duhet konsensus kombëtar e që nuk ekziston", ka shtuar Tahiri. Më tej, ajo ka thënë se është paksa e befasuar me heshtjen e Bashkimit Evropian gjatë këtyre ditëve që po diskutohet për temën e shkëm-
bimit të territoreve. "Unë mendoj se në Serbi përkrahet ideja e ndarjes, por kjo gjë nuk ndodh edhe në Kosovë, sepse për krijimin e shtetit të Kosovës është derdhur gjak, duke e shprehur kështu në mënyrën më të mirë vullnetin e popullit", ka theksuar Tahiri.