Haradinaj: Kufijtë nuk do të preken, e papranueshme
Kryeministri i Kosovës viziton Vlorën, shmang përgjigjet për akuzat Thaçi- Berisha, takohet me Pandeli Majkon "Shqipëria është atdheu ynë dhe duhet të jemi të gjithë pranë njëri- tjetrit"
Kryeministri i Kos ovës, Ramush Hara dinaj, gjatë vizitës së djeshme në qytetin e Vlorës përsëriti qëndrimin e tij sa i përket çështjes së kufirit Kosovë- Serbi. Në përgjigje të interesimit të gazetarëve për temën e shumë debatuar këto ditë të korrigjimit të kufijve të Kosovës, ai nënvizoi se hapja e temave ose e temës së kufijve është e papranueshme për të. "Për fat të keq, për popujt e Ballkanit luftërat kanë qenë tragjike në të kaluarën dhe realiteti i sotëm është krejtësisht rezultat i atyre epilogëve të këtyre luftërave. Prandaj, ne duhet të konsiderojmë arritjet tona pra, Shqipërinë dhe Kosovën dhe kudo ku janë shqiptarë. Hapja e temave ose e temës së kufijve është e papranueshme për mua", nënvizoi ai për gazetarët e mediave të Shqipërisë dhe të Kosovës, që ndoqën vizitën e tij në Vlorë. "Sot ndoshta do të jem më i kujdesshëm me prononcimn tim, realiteti i sotëm është rezultat i atyre luftërave. Hapja e temës së kufijve është e papranueshme. Kufijtë nuk do të preken. Gjithsesi, jam pro të heqim doganën Kosovë- Shqipëri. Me këtë po e devijoj pyetjen me qëllim. Sa i përket referendumit, fatmirësisht jetojmë në demokraci, por ritheksoj së kufijtë janë vendosur me luftë", u shpreh saktësisht Haradinaj. I pyetur për akuzat e forta që Thaçi bëri ndaj ish- kryeministrit shqiptar, Sali Berisha, të cilin e akuzoi për bashkëpunime me Millosheviçin, Haradinaj vendosi që të mos
përgjigjej sërish. "I përshëndes të gjithë, pozitë dhe opozitë", tha Haradinaj. "Ajo që unë jam pro deklaratave për këtë qëllim është që në 1 janar të heqim doganën mes Kosovës dhe Shqipërisë", u shpreh ai. I pyetur se çfarë do të ndodhë më tej pas deklaratave të këtyre ditëve, kryeministri Haradinaj theksoi se ato kanë në bazë retorikën politike. "Me
qëllim po e devijoj pyetjen tuaj dhe theksoj se ajo është një retorikë politike. Beogradi bëri një retorikë, Prishtina bëri një kundër retorikë, një kundërpërgjigje. Në fund do të thosha se kufijtë nuk lëvizin me fjalë", citoi ai qëndrimin e vet, ndërkohë që shtoi: "Kufijtë janë vendosur si rezultat i ndarjes në epilogët e luftërave". Ai përshëndeti kryeministrin Edi Rama, të gjitha institucionet e Shqipërisë, të gjithë politikën shqiptare edhe atë në opozitë, duke theksuar: "Shqipëria është atdheu ynë dhe duhet të jemi të gjithë pranë njëri- tjetrit". Haradinaj vlerësoi edhe një herë vizitën e tij në qytetin e Vlorës, në atë që e cilësoi "zemrën e shqiptarëve", duke theksuar se do të donte të ishte këtu në çdo ditë të vitit. "Sot jam vlonjat dhe ndihem më shumë se çdo herë shqiptar. Jam në Vlorë, në zemrën e shqiptarëve", u shpreh Haradinaj. Ai falënderoi zotin Dritan Leli dhe stafin e tij, duke e falënderuar në emrin e tij dhe të popullit të Kosovës për mundësinë për të qenë bashkë në nderim të historisë sonë të lavdishme e të çmueshme, por, siç u shpreh ai, "... edhe për mundësinë që ne të ndërtojmë të ardhmen tonë po kaq të lavdishme, duke qenë më afër njëritjetrit. Do të jemi çdo herë e më afër". Ai u bëri thirrje të gjithë qytetarëve të Kosovës, të gjithë shqiptarëve, kudo ku janë për të ardhur në Vlorë, për të pushuar në Vlorë. "Për mua, nuk do të kishte ditë të vitit që nuk do të vija në Vlorë, sot jam shumë i nderuar që jam. U bëj thirrje të gjithë qytetarëve të Kosovës, shqiptarëve kudo ku janë edhe atyre në diasporë që të vijnë në Vlorë, në zemrën tonë. Jam i bindur që duke qenë më afër njëri- tjetrit, e ndihmojmë veten", citoi ai. Nga ana e vet, kryebashkiaku Dritan Leli e cilësoi historike vizitën e Kryeministrit të Kosovës, Ramush Haradinaj, në qytetin e Vlorës.