Vetingu, ONM kërkon shkarkimin e prokurorit të çështjes "Tahiri"
Nuk justifikonte kthimin e borxhit 20 mijë euro, KPK konfirmoi Osmanin
Operacioni
Ndërko mbëtar i Monitorimit i paraqiti Komisionerëve Publikë ditën e djeshme rekomandimin për të ankimuar në Kolegjin e Posaçëm të Apelimit vendimin e KPK- së për konfirmimin në detyrë të kreut të prokurorit Gentian Osmani. Magjistrat në Prokurorinë pranë Gjykatës së Shkallës së Parë për Krimet e Rënda, njëkohësisht kandidat për anëtar të Këshillit të Lartë të Prokurorisë u konfirmua në detyrë nga KPK edhe pse rezultoi se nuk justifikonte dot kthimin e një borxhi 20 mijë euro. Komisionerët Publikë, pasi t'u jetë njoftuar vendimi me shkrim i Komisionit të Pavarur të Kualifikimit, do ta shqyrtojnë atë krahas rekomandimit të Operacionit Ndërkombëtar të Monitorimit. Prokurori Osmani ka qenë një prej prokurorëve që kërkoi arrestimin e ish- ministrit Saimir Tahiri për korrupsionin dhe trafikim lëndësh narkotike. Gjatë seancës relatori i çështjes, Roland Ilia, tha se lidhur me pasurinë, ILDKPKI ka dorëzuar një raport me konstatimin se deklarimi është i saktë dhe në përputhje me ligjin. KPK ka kryer një hetim të thelluar në lidhje me gjendjen pasurore dhe burimet e kësaj pasurie. Sipas KPK Osmani ka qenë bashkëpunues duke dorëzuar dokumentet dhe deklarimet në kohën e parashikuar. "KPK e konsideron të përfunduar seancën dëgjimore. Në përfundim të seancës së rivlerësimit kjo trupë gjykuese vendosi konfirmimin në detyrë të subjektit të rivlerësimit Gentian Osmani", deklaroi relatorja e çështjes Firdes Shuli. Ndërkohë DSIK ka dorëzuar një raport me konstatimin se Gentian Osmani është i përshtatshëm për vazhdimin e detyrës. Kujtojmë se në seancën dëgjimore Osmani zgjodhi të ballafaqohej personalisht me institucionit e vetingut. Prokurori Osmani kandidon për Këshillin e Lartë të Prokurorisë. Osmani e ka filluar karrierën në vitin 2003 në Prokurorinë e Rrethit Gjyqësor Durrës dhe një vit më vonë është transferuar në Prokurorinë e Rrethit Gjyqësor Tiranë. Në vitin 2014 ai është komanduar në Prokurorinë e Rrethit Gjyqësor Elbasan dhe një vit më vonë ai është kthyer në Prokurorinë e Krimeve të Rënda në Tiranë.