Apeli rrëzon kërkesën e Llallës, pasuria e tij mbetet nën sekuestro
Ish- kryeprokurori nën akuzë për pastrim parash nis përballjen me drejtësinë Prokuroria: Pronat janë vendosur si garanci për hetimin
Pas vendimit të Gjykatës së Krimeve të Rën da për sekuestro preventive të pasurive të paluajtshme me vlerë rreth 1 miliard lekë, në emër të ishkryeprokurorit, Adriatik Llalla, avokati Sokol Hazizaj ankimoi ditën e djeshme këtë vendim. Por Gjykata e Apelit të Krimeve të Rënda ka rrëzuar kërkesën e ishkryeprokurorit Llalla duke lënë në fuqi sekuestron e pronave të tij. Ditën e djeshme u mbajt seanca e parë për ankiminin e sekuestros preventive të disa prej pasurive të Llallës, e cila la në fuqi masën që u vendos në 20 korrik. Vetë ishkryeprokurori pohoi shkurtimisht se ankimoi sekuestrimin e pronave të tij. Mes pasurive të sekuestruara është një apartament në qytetin e Durrësit dhe mbi 22 mijë metra katrore tokë are në Tiranë. Këto sekuestro, sipas Prokurorisë së Krimeve të Rënda, janë vendosur si garanci në lidhje me hetimin që ka nisur ndaj kryeprokurorit Llalla. Fillimisht, hetimet ndaj Llallës nisën kryesisht nga prokuroria e Durrësit, pas dyshimeve se nuk kishte deklaruar të gjitha pasuritë e paluajtshme që dispononte. Më pas, hetimi u transferua tek Prokuroria e Krimeve të Rënda, e cila pas veprimeve hetimore të kryera në bashkëpunim edhe me policinë, u kërkoi gjykatës të sekuestronte pasuritë e Llallës, si garanci për hetimin që ka nisur. Ndër të tjera Llalla po mer-
ret edhe me ankimin e vendimit të Institucionit të Komisionerëve Publik, ku ky i fundit kërkoi nënshtrimin e ish- kryeprokurorit në procesin e vetingut. Kujtojmë se Komisioneri Publik ankimoi vendimin e Komisionit të Posaçëm të Kualifikimit, KPK, për ndërprerjen e vetingut ndaj Llallës. Ishprokurori i Përgjithshëm, Adriatik Llalla u vendos nën hetim nga Prokuroria e Krimeve të Rënda menjëherë
pas valës së akuzave që iu drejtuan atij, sapo dha dorëheqjen nga sistemi i drejtësisë shqiptare. Llalla akuzohet për pastrim parash. Sipas hetimeve të prokurorisë ka dyshime se pasuritë e Adriatik Llallës janë të pajustifikuara, ndërsa vlera e tregut të pasurive të paluajtshme kap shifrën e 98.772.000 lekëve. Është hera e parë në historinë e Shqipërisë që një ishProkuror i Përgjithshëm vi-
het nën hetim për akuzën e rëndë të pastrimit të parave dhe i sekuestrohet pasuria. Akuza në fjalë ishte pothuajse e paralajmëruar nga Departamenti Amerikan i Shtetit kur e motivoi futjen e familjes Llalla në listën e saj të zezë, duke mos i lejuar të udhëtojnë drejt SHBA, me pretendimin për përfshirje në raste të mëdha korrupsioni të ish- kryeprokurorit, gjatë kohës që ka qenë në këtë detyrë.
Prokuroria pranë Gjykatës së Shkallës së Parë për Krime të Rënda Tiranë, mbi bazën e akteve të ardhura për kompetencë lëndore nga Prokuroria pranë Gjykatës së Shkallës së Parë Durrës, ka riregjistruar procedimin penal nr. 65 viti 2018, në ngarkim të shtetasit Adriatik Llalla, ish- Prokuror i Përgjithshëm i Republikës së Shqipërisë.
Në kuadër të hetimeve paraprake të kryera lidhur me këtë procedim penal, në bashkëpunim të ngushtë me policinë gjyqësore në Drejtorinë Hetimore Qendrore,
pranë Departamentit të Policisë Kriminale të Drejtorisë së Policisë së Shtetit Tiranë, janë kryer një sërë veprimesh hetimore. Si rezultat i veprimeve hetimore të kryera, janë krijuar dyshime të arsyeshme se disa pasuri të paluajtshme në zotërim të shtetasit Adriatik Llalla përbëjnë produkt të veprës penale. Me vendimin nr. 179, datë 20.07.2018 të Gjykatës së Shkallës së Parë për Krime të Rënda Tiranë, është vendosur pranimi i kërkesës së prokurorisë, vendosja e masës së sigurimit pasurore "sekuestro preventive" për disa prej pasurive të paluajtshme të ish- kryeprokurorit Llalla.