Nata e dytë e Festës së Birrës, mijëra pjesëmarrës mbushin sheshin e qytetit
Ambasadori rumun: "Birra Korça", e mrekullueshme, do pi me qejf, por me masë Turistë nga Gjermania, Italia, Franca, Greqia, SHBA dhe Australia "bujnë" në Korçë: Jemi të befasuar
Nata e dytë e Festës së Birrës ka elektri zuar qytetin e Korçës. Mijëra vetë nga rrethe të ndryshme të vendit dhe jo vetëm kanë "pushtuar" sheshin në krah të stadiumit "Skënderbeu" dhe Pazarin e Vjetër, duke festuar deri në orët e para të mëngjesit të sotëm. Muzika me zërat më të mirë të skenës shqiptare kanë krijuar atmosferë të ngrohtë për pjesëmarrësit, të cilët e kanë gdhirë duke kërcyer dhe konsumuar "Birra Korça". Këngëtarët, DJ si dhe shija e birrës së parë shqiptare "Birra Korça" kanë joshur jo vetëm vendasit, por edhe turistë nga vende të ndryshme të botës si: Italia, Greqia, Franca, Gjermania, SHBA dhe deri te Australia e largët. Festa e Birrës është një ndër evenimentet më të preferuara për turistët vendas dhe të huaj, të cilët kanë zaptuar çdo cep të qytetit, ndërsa hotelet janë të tejmbushura. Shumë prej tyre kanë udhëtuar me kilometra të tëra për të qenë të pranishëm në këtë festë të mrekullueshme, ndërsa të gjithë preferojnë mbretëreshën "Birra Korça". I gjithë qyteti është në festë. Në çdo orë, në çdo kohë, të gjitha rrugët janë të mbushura me "mysafirë" të ardhur nga i gjithë vendi. Nata e dytë ka kapërcyer çdo parashikim të organizatorëve, duke shënuar shifra në rritje të pjesëmarrësve në tendat e birrës së parë shqiptare. Mbrëmja e dytë e kësaj feste ka sjellë një atmosferë që rrallëherë mund të shijohet pasi çdo pjesëmarrës ka kërcyer e kënduar duke konsumuar "Birra Korça". Mbrëmja ka startuar në orën 20: 30, ku të gjithë pjesëmarrësit me padurim kanë pritur që të nisë argëtimi. Mbrëmë në skenën pranë stadiumit performuan Dj K3ytech, këngëtarët: Juliana Pasha& Band, Venera dhe Lind Islami, Olsa Papandili, Rubin Kaso. Ndërsa, në skenën tek Pazari i Vjetër performuan këngëtarët: Zhuljeta Sheremeni, Olsa Papandili dhe Rubin Kaso. Me këngët e bukura korçare, por jo vetëm dhe një sërë hitesh të momentit, këngëtarët sollën për mysafirët një atmosferë fantastike, ndërsa u freskuan me ' Birra Korça'. Por përveç vizitorëve nga brenda vendit dhe qindra turistëve, në Korçë kanë bujtur dhe diplomatë të huaj që kanë shijuar muzikën shqiptare dhe birrën shqiptare. Pasi kapërceu kufijtë e njohjes, falë shijes së ' Birra Korça', festa e ktheu Korçën në destinacion turistik përgjatë 5 netëve ku edhe hotelet e lokalet e qytetit gëlojnë nga gjallëria. Një grup të rinjsh nga Gjermania u shprehën se kanë ardhur enkas në Shqipëri për këtë festë, ndërsa kanë zgjedhur të pinë ' Birra Korça', birrën e qytetit. "Jemi nisur nga Gjermania enkas për ketë festë, është shumë e njohur në vendin tonë. Jemi të befasuar dhe të kënaqur këto dy net dhe do të vazhdojmë të qëndrojmë deri në fund. Muzika është shumë e mirë, por ajo që na pëlqeu më shumë është ' Birra Korça', ka një shije të mrekul- lueshme. Dëgjuam se është birra e parë shqiptare dhe të gjithë njerëzit e preferojnë këtë birrë. Për ne që jemi të rinj është një birrë shumë e lehtë dhe që të lë një shije të mirë", - u shprehën të rinjtë.
AMBASADORI RUMUN
Nga Festa e Birrës është mrekulluar dhe ambasadori i Rumanisë në Tiranë SH.
T. Z. Mircea Perpelea. Ai u shpreh se "Birra Korça" është e mrekullueshme. "Korça është një qytet mjaft i bukur po në një nivel dhe më lart është edhe birra. Dua të përgëzoj presidentin për këtë investim në këtë fabrikë. Tani që vizituam dhe ambientet e fabrikës më pëlqen edhe më shumë ' Birra Korça'. Një investim i këtyre përmasave është shumë
i vlefshëm për qytetin, për qytetarët, por edhe më gjerë . Është kënaqësi të vizitosh këtë fabrikë në këtë stinë, kur të gjithë e shijojnë një gotë birrë. Edhe një herë përgëzoj presidentin për investimin. Mua më pëlqen ' Birra Korça' edhe më shumë tani që e vizitova nga afër. Do ta pi më shpesh "Birrën Korça", por me masë",- tha diplomati rumun.