Hipoteka, 300 pronarët që kanë gati tapitë

ALUIZNI: Përfituesit të paraqiten në ZVRPP për regjistrimin e objektit të legalizuar Lista me përfituesit në Shkodër, Malësi të Madhe dhe Pukë

Drejtoria Rajonale e ALUIZNI- t Shkodër njofton të gjithë qytetarët që gjejnë emrin në listë të paraqiten pranë Zyrës Vendore të Regjistrimit të Pasurive te Paluajtshme Shkodër ( ZVRPP Shkodër) dhe Zyrës Vendore të Regjistrimit të Pasurive të Paluajtshme Malësi e Madhe ( ZVRPP Malësi e Madhe) për të aplikuar për regjistrimin e pasurive të tyre dhe pajisjen me certifikatë pronësie. Janë në total 300 përfituesit në qarkun Shkodër.

TAPIA

Procedurat për marrjen e tapisë janë ndjekur nga ALUIZNI, i cili dorëzon dosjen e plotë në Hipotekë, por përfituesit duhet të shkojnë në Zyrën e Regjistrimit të Pasurive të aplikojnë për tapinë. Pas ndryshimeve të fundit ligjore, qytetari do të marrë një kopje për të vërtetuar mbarimin e procesin të legalizimit, por e gjithë procedura vijuese për regjistrimin në Zyrën e Regjistrimit të Pasurive të Paluajtshme do të bëhet nga Agjencia. Ndërkohë që sipërfaqja e parcelës për të cilën miratohet kalimi i së drejtës së pronësisë nuk mund të jetë më e madhe se trefishi i sipërfaqes së bazës së ndërtimit dhe për ndërtimet pa leje me funksion banimi jo më shumë se 500 m ² . Sipërfaqet mbi masat e përcaktuara në këtë pikë, të cilat për shkak të përmasave ose konfiguracionit nuk mund të shfrytëzohen më vete për ndërtim, i shiten poseduesit të ndërtimit pa leje sipas vlerës së pronës, të miratuar me vendim të Këshillit të Ministrave, vetëm nëse ka shprehur më parë vullnetin, nëpërmjet një kërkese me shkrim. Ndërsa në rastin kur ndërtimi pa leje disponohet nga më shumë se një person fizik ose juridik, regjistrimi i pjesëve takuese mbi pasuritë ( parcelë dhe objekt) kryhet: në pjesë të pandara, ideale, sipas numrit të subjekteve; në pjesë takuese të ndara, sipas marrëveshjes së nënshkruar ndërmjet subjekteve lirisht dhe të depozituar brenda afatit të vetëdeklarimit. Subjektet mund të përcaktojnë përveç pjesës takuese, edhe pjesët fizike respektive nëse ndërmjet tyre përputhet vullneti.