"Shpërthen" deputeti i PD: Rama, ideatori për ' shkëmbim territoresh' të Kosovës, Thaçi masha

deklaratës së presidentit Hashim Thaçi për rreg ullim kufijsh, vjen një reagim i ashpër nga deputeti i PD- së, Luçiano Boçi, i cili në një status "Facebook" bën akuza të forta ndaj kryeministrit Edi Rama. "Nga provokacija tek uklanjanje bre? a. Provokacija nuk ka nevojë për përkthim, pasi është përdorur rëndom. Ndërsa UKLANJALE BRE? A fjalë për fjalë do të thotë ' HEQJA E BREKËVE;. Zgjodha përkthimin literal në mungesë të shprehjes së duhur frazeologjike. Të dy nocionet janë sjellë për të shënuar pikat ekstreme të një rrugëtimi të turpshëm të kryeministrit më të dështuar shqiptar, në çështjen e Kosovës e jo vetëm. Sot, me gjithë debatin intensiv, ' lideri rajonal' - togfjalësh me të cilin e qesëndiste dhe e miklonte njëkohësisht Vuçiç, po hesht. Po kërkon se e si të qëndrojë larg e të duket duarjashtë. Ndërkohë po hesht dhe sepse nuk mund të flasë për atë çka vetë ka gatuar dhe që kundërmon tradhti. E në këtë histori Thaçi duket të jetë vetëm masha, mbajtësi i së cilës është ky Ramë. Padyshim përgjegjësi shtetëror është Thaçi, por përgjegjësi kombëtar është Rama. Projekti i sotëm i dorëzimit të veriut të Kosovës, i kamufluar nën përcaktimin ' shkëmbim territori', nuk është as i ri dhe as i befasishëm. Përgatitja e tij nisi që kur nën një aureolë ndërkombëtare, Rama kaloi portën ' e ndaluar' të vizitës në Beograd në nëntor 2014. I bojatisur nga ' ustallarë' me një skenar perfid, përtej diplomacisë ai pati si episod PROVOKACIJA- n e famshme, ' Kosova e pavarur, është tashmë një realitet', që po ta lexosh sot të detyron një nënqeshje të fortë ironike. E ç'nuk kemi dëgjuar në atë kohë për këtë ' trimëri'. Gjithçka u ndërtua për të zhvlerësuar, sado pak faktin e një realiteti të sanksionuar, autorë të cilit ishin dyshja Bush- Berisha dhe për të ndërfutur aty realitetin e sotëm Rama- Vuçiç, të copëtimit të Kosovës. Skenari funksionoi dhe të fituar dolën të dy. Rolet ishin ndarë e përcaktuar. Serbia ju gëzua dhe një përfitimi ekonomik ekzemplar me rrugën Nish- Beograd, pak më vonë. Ndërsa Rama u përcoll me një të kënduar ' O Sole mio' i Ballkanit, si përqeshje e sinqertë dhe e gëzuar serbe nga Daçiç. Dhe vërtet dielli ja kishte ndihur dhe për serbët, përderisa ' faktori' i stabilitetit në rajon, "karikatura" e shqiptarëve e veshur shik, kishte pranuar me qejf ' UKLANJENJA BRE? A- n'. Që shqip- shqip quhet as më shumë e as më pak TRADHTI KOMBËTARE, për të mbajtur në dorë brekët e pushtetit. E kjo ' heqje brekësh' sot është duke u shpërfaqur në gjithë dimensionin e saj të nguljes së thikës pas shpinës së kombit".