Berisha, Ramës: Turp, nuk reagove për vrasjet. Ndreu: Duhet solidaritet
Vrasjet në Selenicë/ Opozita sulmon kryeministrin, PS bën propozime Spiropali: Fushatë publike për mbledhjen e armëve, dënim autorit
Masakra e Selenicës ka ngjallur rea gime të ndryshme të deputetëve të opozitës dhe maxhorancës. PD dhe LSI kanë kritikuar mosreagimin e kryeministrit Edi Rama, ndërsa Partia Socialiste ka dhënë propozimet e para për rrugët që duhen ndjekur në të ardhmen për të shmangur tragjedi të tilla. Ish- kryeministri Sali Berisha shkroi dje në rrjetin social "Facebook": "Një masakër që tronditi Shqipërinë dhe bëri lajm botëror, por nuk të preku ty o skizofren! Njëmijë herë turp o faqezi antishqiptar dhe antinjeri!". "Kjo masakër makabre ka përbërë një lajm botëror në të gjitha mediat e mëdha të botës. Por kjo masakër nuk ka përbërë lajm, nuk është dënuar dhe nuk u është thënë një fjalë ngushëlluese familjarëve nga monstra në krye të qeverisë dhe fundërrinat e tjera të kabinetit të skizofrenit, i cili me heshtjen e tij paranojake i vrau për së dyti viktimat e Selenicës! Me këtë rast dua t'i them monstrës në krye të qeverisë, njëqind e njëmijë herë turp o faqezi, antishqiptar dhe antinjeri, ty dhe fundërrinave që të rrethojnë", u shpreh Berisha, duke iu drejtuar kryeministrit Rama. Po i ashpër ishte edhe nënkryetari i PD- së, Edi Paloka. Ai tha se ngjarja ka tronditur çdo shqiptar, por i vetmi që jeton në botë tjetër është kryeministri Edi Rama, duke kujtuar përshëndetjen e tij të mëngjesit. "I vetmi që vazhdon të jetojë në botë tjetër është kryeministri i vendit. Pikërisht në këto momente dhe pikërisht nga Vlora, Rama shkruan në ' FB': ' Ju uroj një fundjavë të qetë'… Është cinizmi ekstrem i një kryeministri që nuk ja ndjen", tha dje Paloka. Kreu i grupit parlamentar të LSIsë, Petrit Vasili iu është bashkuar reagimeve për masakrën që ndodhi dje në Resulaj, ku 8 pjesëtarë të një trungu familjar u vranë nga kushëriri i tyre. Përmes një statusi në "Facebook" Vasili i është ' sulur' kryeministrit Edi Rama, ndërsa shkruan se ' i marri përqesh mortin'. Vasili shton se: "I marri në krye të qeverisë gënjen me ca idiotësira shifrash punësimi të rreme edhe për ditë zie".
SOCIALISTËT
Ndërkohë, nënkryetarja e grupit parlamentar të PSsë, deputetja Elisa Spiropali ka bërë thirrje për një fushatë publike për mbledhjen e armëve. Në një reagim pas
ngjarjes së rëndë në Selenicë ku u vranë 8 persona të një familjeje, Spiropali kërkon një ligj të posaçëm për ata që mbajnë armë pa leje si dhe dënim maksimal për vrasësit. "Fushatë publike për mbledhjen e armëve. Ligj i posaçëm me dënim të rëndë për ata që zotërojnë armë pa leje. Dënim maksi-
mal për vrasësit me apo pa probleme mendore. Gjëma e mbrëmshme nuk mund dhe nuk duhet të përsëritet. Jemi pak për të duruar makabritete të tilla. Shpirti i të vrarëve u prehtë në paqe! Zoti u dhëntë forcë familjarëve të mbijetuar!", shkroi dje në "FB" Spiropali. Nga ana e tij, deputeti Pjerin Ndreu u
shpreh: "Ngjarja e rëndë e Selenicës nuk është arsye për të zbrazur të gjithë arsenalin e padijes duke akuzuar Edi Ramën, qeverisjen, të etiketosh shoqërinë primitive, të gjesh policinë e paaftë etj. Të tilla raste dhe më rëndë kanë ndodhë e ndodhin çdo ditë gjithkund. Mbajtja në kontroll e krimit nuk është fjalë
goje, as fantazi pa lidhje gazetarësh e politikanësh. Por është lojë e vështirë për ata që e kanë provuar në SHBA, Gjermani, Britani, Francë e kudo. Ju them juve që shkruani që keni të drejtë të kërkoni qeveri më të mirë, ekonomi më të shëndoshë, shoqëri më solidare, por nga ngjarje të tilla s'keni për të Deputeti demokrat i Vlorës, Agron Shehaj ngushëlloi dje përmes një postimi në "Facebook" familjarët e viktimave të Selenicës. Ai bëri thirrje të rrisim besimin në Zot. "Mjerë të gjithë ata që mendojnë se mund të jetojnë në një shoqëri pa Zot dhe pa moral", tha Shehaj.
shpëtuar sa të jeni gjallë. Është e lehtë të shkruash ç'të vjen në mend për fajtorë kur ndodh krimi. Më shumë vlejnë mesazhet për solidaritet në luftë kundër krimit, që është një fenomen që i kërkon në një vijë të gjithë pa dallim partie e jo njëri thumbit e tjetri patkoit!", u shpreh Ndreu.