Erion Veliaj thirrje qytetarëve: Bëni regjistrimin e adresave
Kryebashkiaku: Transformim total, qeveria bën legalizimin, bashkia urbanizimin Rehabilitohet blloku i banimit në zonën e Selitës
Bashkia e Tiranës po vijon me intensitet punën e saj për rehabilitimin e rrugëve dhe blloqeve të banimit në kryeqytet edhe në këto ditë të fundit të verës. Dje ka përfunduar rikonstruksioni në zonën e Selitës, bllok i kufizuar nga rrugët "Hamdi Pepa", "Ilia Dilo Sheperi", "Visarion Xhuvani", "Leka i Madh", duke zgjidhur përfundimisht problemin e infrastrukturës për banorët e ardhur kryesisht pas viteve ' 90. Kryebashkiaku Erion Veliaj inspektoi nga afër punimet e tha se zona e Selitës po urbanizohet, ndërkohë që iu bëri thirrje banorëve që të tregojnë kujdes në mirëmbajtjen e investimeve të bëra. "Rikthehemi në një zonë totalisht të transformuar. Këtu projekti nuk është vetëm logjistik: asfalt, llaç e tulla, por edhe pak në mentalitet. Kemi bashkuar energjitë: qeveria bën legalizimin, kurse bashkia urbanizimin. Pa legalizim nuk ka urbanizim; pra, është shumë e rëndësishme që fillimisht banorët të marrin hipotekën dhe në fund, pasi të kanë marrë pronën, ne ndërhyjmë në gjithë rrjetin rrugor, kanalizime dhe ndriçim",- u shpreh Veliaj. Më tej ky i fundit i ftoi qytetarët që të bashkëpunojnë për lirimin e hapësirave, të cilat pengojnë projektet zhvilluese. "Dua të falënderoj, së pari, banorët që kanë lënë pak nga territori i tyre i sapolegalizuar për t'ia dhënë bashkisë për trotuaret. Qytetarët duhet të kuptojnë se në fakt, trotuari nuk është i bashkisë, por një barrierë sigurie për ata dhe fëmijët e tyre. Kur kemi ardhur këtu ka qenë një monopat i ngjashëm me një shteg dhish dhe rrëketë e lumenjve që vinin nga kodrat. Sot është dita me natën",- theksoi kreu i Bash- kisë së Tiranës. Falë kësaj ndërhyrjeje, banorët e zonës së Selitës do të përfitojnë një bllok të ri banimi, me rrugë të shtruara, ndriçim e trotuare.
REGJISTRIMI I ADRESAVE
Ndërkohë të gjithë qytetarët duhet të bëjnë regjistri- min e adresës së saktë së vendbanimit, në mënyrë që zona të përfitojë nga shpërndarja më e mirë e fondeve dhe e investimeve. Ky ishte apeli që kryebashkiaku Erion Veliaj bëri ditën e djeshme ndaj banorëve të njësisë 5 në kryeqytet, gjatë inspektimit të punimeve të reja në "Kemi bashkuar energjitë: qeveria bën legalizimin, kurse bashkia urbanizimin. Pa legalizim nuk ka urbanizim; pra, është shumë e rëndësishme që fillimisht banorët të marrin hipotekën dhe në fund, pasi të kanë marrë pronën, ne ndërhyjmë në gjithë rrjetin rrugor, kanalizime dhe ndriçim", - u shpreh Veliaj.
bllokun e Selitës. "I ftoj banorët të vijojnë me regjistrimin në zonë. Sot janë të gjithë qytetarë të Tiranës dhe duhet të regjistrohen këtu. Fakti që marrim taksa nga pjesa e vjetër e Njësisë 5 për t'i sjellë në zona ku vetëm së fundi, pas legalizimit, ka filluar të paguhet pak taksë prone, do të thotë se automatikisht Bashkia e Tiranës i ka privilegjuar. Tani ka ardhur koha që edhe ata të sillen si qytetarë të Tiranës dhe të bëhen pjesë e kësaj bashkësie që paguan diçka modeste, por në fund fare kontribuon në të mirën e përbashkët",- tha Veliaj.