Gazeta "Kathimerini": Droga që vjen nga Shqipëria po "mbyt" Epirin

"Në 8 muajt e 2018- ës janë sekuestruar mbi 1 ton lëndë narkotike" "Gjatë 2 viteve të fundit ka pasur një rritje në masën 232 për qind të rasteve të trafikut"

Droga, kryesisht hashashi që vjen nga Shqipëria, ' mbyt' Epirin". Ky është titulli i djeshëm i një artikulli të një prej gazetave më të mëdha greke, "Kathimerini". Përmes një shkrimi, gazeta në fjalë ka nxjerrë shifrat që u referohen sasive të mëdha të drogës së kapura në territorin e tyre, origjina e të cilave ishte nga Shqipëria. E përditshmja greke cilëson Shqipërinë si furnizuesin kryesor me drogë për të gjithë Europën. Në shkrim thuhet se përgjatë dy viteve të fundit ka pasur një rritje në masën 232% të rasteve të trafikut të të gjitha llojeve të drogave që janë zbuluar nga operacionet e përditshme përgjatë kufirit grekoshqiptarë. Sipas një raporti të policisë greke, thuhet se grupet kriminale furnizojnë me sasi të mëdha kanabisi shtetin helen, një pjesë të Ballkanit, Europën, Italinë apo dhe Turqinë. Gjithashtu, në shkrimin e gazetës "Kathimerini" thuhet se në vitin 2016, policia greke ka sekuestruar në zonën e Epirit 2.7 tonë hashash, ndërsa në vitin 2017 sasia e sekuestruar ishte 9.2 tonë. Ndërkohë, deri më tani për vitin 2018 janë kapur 961 kg drogë në Janinë dhe 300 kg në zonën e Thesprotisë, ndërsa nga aksionet janë arrestuar 306 persona, kryesisht shqiptarë. Një pjesë e operacioneve realizon në kufirin e gjelbër, por nëse të dyshuarit kalojnë prefekturën e Janinës, atëherë policia mobilizohet kryesisht në Artë, ku përmes postblloqeve arrestohen në flagrancë trans-

portuesit e drogës. Vetë trafikantët kanë si synim që ta fshehin drogën në vende të ndryshme, ndoshta të cilësuara si më të vështirat në dekadat e fundit. Por nuk janë vetëm transportuesit shqiptarë, që në çdo mënyrë përpiqen të kalojnë kryesisht hashash nga kufiri dhe pastaj ta kanalizojnë atë në Greqi, por edhe kultivuesit dhe trafikantët grekë, të cilët përpiqen që ta kultivojnë drogën në shtëpi dhe më pas ta shesin. Aktualisht, në ndihmë të këtyre operacioneve, referuar shkrimit, ka ardhur në ndihmë të policisë greke edhe ' Frontex' për kontrolle në kufirin greko- shqiptar me inspektimeve të plota.