PD zbardh shifrat: Bego përfitoi 10 milionë euro nga buxheti i shtetit

Strazimiri: Milionat që miku trafikant i Ballës mori nga taksapaguesit shqiptarë "Autostrada e Elbasanit, Bego rriti biznesin 20- fish"

Partia Demokratike akuzoi sërish dje për shpërdorimin e fondeve të cilat i ka përfituar shtetasi, Edmond Bego, për shkak të miqësisë me socialistin Taulant Balla. Duke treguar një dokument, deputeti demokrat Gent Strazimiri tha se në autostradën Tiranë- Elbasan, kompania e Edmond Begos ka përfituar 10 milionë euro nga paratë e taksapaguesve. PD ka vërtetuar se kompania "Inerte Expres" e Taulant Ballës ka përfituar 10 milionë euro që nga viti 2018 e deri më sot nga taksapaguesit shqiptarë. Bizneset e Mondi Begos, të cilin Partia Demokratike e akuzon si të lidhur me kryetarin e grupit të Partisë Socialiste Taulant Balla, kanë lulëzuar gjatë tre viteve te fundit. Të dhënat zyrtare sipas bilanceve të dorëzuara në QKR tregojnë se në vetëm tre vjet xhiroja e kompanisë "Inerte Expres" është rritur me 20 herë. Sipas bilanceve, në periudhën 2012- 2014 kompania "Inerte Expres" ka pasur një qarkullim vjetor që është luhatur nga 13 milionë deri në 52 milionë lekë në vit. Por pas 2014- ës, xhiroja e saj është rritur me ritme të vrullshme. Sipas të dhënave zyrtare, në vitin 2015 kompania arkëtoi 228 milionë lekë, ndërsa vitin e kaluar xhiroja e saj arriti në 762.6 milionë lekë ose 20 herë me shumë se tre vjet më parë. "Rasti më flagrant është ai i ndërtimit të autostradës së Elbasanit. Partia Demokratike ka vërtetuar se kompania "Inerte Express" e trafikantit të drogës dhe mikut të familjes së Taulant Ballës ka përfituar 10 milionë

euro që nga viti 2015 deri më sot nga paratë e taksapaguesve shqiptarë. Është kjo një nga arsyet pse gjendja për njerëzit e zakonshëm është përkeqë-

suar dhe mesatarisht 45 biznese mbyllen në ditë, që kur Edi Rama vendosi thundrën në ekonominë shqiptare. Ti dyqanxhi, biznesmen shqiptar apo i Sipas bilanceve, në periudhën 20122014 kompania "Inerte Expres" pati një qarkullim vjetor që është luhatur nga 13 milionë deri në 52 milionë lekë në vit. Por pas 2014- ës, xhiroja e saj është rritur me ritme të vrullshme. Sipas të dhënave zyrtare, në 2015 kompania arkëtoi 228 milionë lekë, ndërsa vitin e kaluar xhiroja e saj arriti në 762.6 milionë lekë ose 20 herë me shumë se tre vjet më parë. huaj, që psherëtin në kafe dhe thua që leku "është mçef", kupto që leku nuk është fshehur! Ai shkon në xhepat e trafikantëve të drogës, biznesi i të cilëve shumëfishohet brenda ditës nën kujdesin e veçantë të Edi Ramës dhe taulantëve të tij", deklaroi deputeti Gent Strazimiri. Sipas PD- së zgjerimi i bizneseve të Begos në tre vitet e fundit nuk është i rastësishëm, por është rezultat i lidhjeve të tij me pushtetin. Gent Strazimiri akuzoi kreun e grupit parlamentar socialist Taulant Balla se ka shërbyer si sekser që kompanitë e Begos të merrnin fonde nga buxheti i shtetit, edhe si nënkontraktorë. Partia Demokratike më herët i ka bërë thirrje edhe prokurorisë të nisë hetimet për moszbatimin e operacionit "Forca e ligjit" mbi Edmond Begon. Dy ditë më parë, PD publikoi dokumente që sipas saj tregonin se Bego ka marrë edhe direkt fonde publike, siç ishte rasti i një tenderi 100 milionë lekë nga Operatori i Transmetimit për ndërtimin e një nënstacioni.