Rama me LRI: Është përgjegjësia e juaj të rrëzoni kastën e vjetër
"Drejtorët që ikën si minjtë pas pushtetit"
Nënkryetari
i LSI- së Luan Rama, në Jalë foli dje për rolin e të rinjve, që, sipas tij, ata kanë detyrë që të shpëtojnë Shqipërinë nga udhëkryqi, në të cilin ndodhet Shqipëria. "Rinia shqiptare e ka bërë dy herë detyrën e saj ndaj atdheut dhe ndaj së ardhmes së tij. Një herë me brezin e Luftës Antifashiste Nacionalçlirimtare që i bënë nderin Shqipërisë, duke e bashkuar atë me koalicionin e madh antifashist botëror dhe në herën e dytë me ndryshimin e sistemeve duke përmbysur një kastë që ishte bërë pengesë, për t'i hapur rrugën demokracisë dhe pluralizmit politik në Shqipëri",- tha z. Rama. Mirëpo, sipas tij "Shqipëria, për fat të keq, vazhdon të jetë në udhëkryq, në udhëkryqin e fateve të veta. Prandaj, është detyra juaj, misioni juaj, përgjegjësia juaj të bëni atë që di të bëjë rinia; të rrëzoni kastën e së keqes dhe të ndërtoni shoqërinë e vlerave, të lirisë, barazisë, drejtësisë dhe dinjitetit",deklaroi z. Rama. Ai nuk ka lënë pa sulmuar dhe zyr- tarët që i kanë kthyer shpinën LSI- së, për të cilët tha se janë drejtorë kokëboshë dhe zullumqarë. "Është hera e parë që këtu nuk ka më servilë, nuk ka më hipokritë, nuk ka më prej atyre drejtorëve zullumqarë e kokëboshë, sepse ata, si minjtë, kanë mbetur pas kusisë së pushtetit, janë shitur pas thërrimeve të pushtetit! Ndaj, ju jemi këtu për të dëshmuar që kjo rini është e vendosur të marrë përpara cilindo që bëhet pengesë. Prandaj, është detyra, është misioni juaj të bëheni pjesëmarrës, të bëheni mbrojtës dhe zëdhënës të interesit të brezit tuaj, të brezit që duhet të kapërcejë epoka, të brezit që duhet të bëhet forca e ndryshimit",- theksoi deputeti i LSI.