Faktorë, sipërfaqja e zona, s’kanë rëndësi kati e ballkoni
Për
herë të parë në Sh qipëri është përdorur metoda hedonike për të vlerësuar faktorët që ndikojnë në çmimin e blerjes së apartamenteve. Metoda është aplikuar nga INSTAT- i dhe bazohet në vlerësimin e një serie karakteristikash që ndikojnë në çmimin e apartamentit. Këto metoda çmimi matin peshën ose karakteristika të caktuara si vendndodhja e banesës, numri i banjave, ose prania e karakteristikave të tjera në çmimin total të banesës. Variablat e përfshira në model janë: mosha apo viti i ndërtimit të banesës, numri i dhomave, numri i dhomave të gjumit, numri i banjave, sipërfaqja në m2, kati, ashensori, ballkoni si dhe minibashkitë ku ndodhen. Të dhënat janë mbledhur nga agjencitë imobiliare të kryeqytetit për vitin 20172018, duke qenë se analiza është bërë vetëm për tregun e apartamenteve në Tiranë. Në analizën e INSTAT- it ka rezultuar se statistikisht të rëndësishme janë: sipërfaqja në m2, numri i dhomave të gjumit, mosha e ndërtesës ose viti i ndërtimit dhe shumica e variablave të minibashkive. Variablat e pavarur, që tregojnë efekt pozitiv në çmimin e banesave, janë: madhësia, dhomat e gjumit, ashensori, banja, mosha dhe minibashkia 5. Përveç kësaj, variablat që tregojnë efekt negativ në çmim janë: kati, ballkoni dhe shumica e minibashkive. Ndërkaq, rezulton se niveli i katit nuk duket i rëndësishëm dhe tregon që familja shqiptare preferon të blejë apartamente në nivelet më të ulëta të ndërtesës. Në mënyrë të ngjashme, ballkoni i ndryshueshëm nuk është i rëndësishëm, sepse tregon që familja shqiptare duhet të jetë më racionale dhe të kërkojë më shumë hapësirë brenda apartamentit sesa ballkone.