Shehaj: Për pushtet qeveritarët blejnë favoret e ndërkombëtarëve
PD, Shehu: Italinë mund ta ndihmojmë jo duke i marrë 20 refugjatë, por duke luftuar kanabisin Deputeti i PD tregon rastin personal si emigrant
Në Itali mbërrijnë qin dra emigrantë nga Af rika, ndaj vendi fqinj kërkon mbështetje nga shtetet e tjera. Shqipëria është ofruar për të pranuar 20 emigrantë. Ideja mbështetet edhe nga deputeti i opozitës, Agron Shehaj, i cili e lidh këtë mbështetje edhe historinë e jetës së tij si emigrant. Shehaj shkruan në ' Facebook' se në kohën kur ishte vetë emigrant, të gjithë të tjerët si ai ishin të trembur se Italia mund të vendoste që të mos mbante. Sipas tij, nëse shqiptarët e arritur në Itali do të largoheshin drejt një vendi tjetër po aq të varfër, do ndiheshim të përdorur. Ndërkohë ai e quan për propagandë të qeverisë, faktin që kjo pranoi të marrë 20 emigrantë nga Italia. "Pak gjëra janë më të neveritshme se qeveria shqiptare që bën për propagandë në kurriz të emigrantëve. Kam qenë vetë emigrant, i ikur me anije, pikërisht në vitin ' 91. Ëndërronim lirinë dhe Perëndimin dhe ishim të gjithë të trembur se Italia mund të vendoste të mos na mbante. Nëse në ato momente qeveria e një vendi tjetër, po aq të varfër sa Shqipëria, do kërkonte të përfitonte dhe do propozohej si alternativë e Italisë për të na marrë, do ndiheshim të përdorur dhe të indinjuar. Këta pushtetarë mendojnë vetëm se si të blejnë favoret e ndërkombëtarëve për të mbajtur pushtetin. Uroj që këta emigrantë t'ia dalin të realizojnë ëndrrën e tyre në Perëndim dhe mos të kenë fatin e keq dhe të përdoren…", shkruan z. Shehaj në ' Facebook'. Shqipëria do të ndihmojë Italinë në zgjidhjen e situatës së krijuar nga bllokimi i 150 emigrantëve të anijes "Diccioti" e bllokuar prej ditësh në portin e Katanias duke u ofruar të strehojë një pjesë prej tyre. Po dje përmes një postimi në ' Facebook', deputeti i PD, Tritan Shehu shprehet se qeveria po bën propagandë, pasi mirënjohja ndaj Italisë nuk mund të shprehet duke strehuar 20 refugjatë, ndërsa shteti fqinj strehon dhjetëra- mijëra. "Dhe "dashurinë" ndaj Italisë strategjike kjo Rilindje kërkon ta shprehë me 20 refugjatë, pa shpjeguar se perse në 5 vite nuk ka asnjë investim të ri italian në Shqipëri. Italinë ne mund ta ndihmojmë jo duke i marrë 20 refugjatë, por duke luftuar kanabisin që na ka kthyer në furnizuesin Europës, nëpërmjet Italisë kryesisht, duke mos u bërë "autostradë" e kokainës e heroinës drejt Italisë, duke goditur krimin tonë të organizuar, që po i krijon kaq shumë prob- leme Italisë fqinje etj. Qesharake kjo e vetëm një farsë e Rilindjes…. gjithmonë në 3D edhe kjo", shprehet z. Shehu. Sipas tij: "Prej 24 orësh veçse trumbetohet marrja e 20 refugjatëve nga Italia, e deklaruar kjo nëpërmjet fanfarëve propagandistike. Vlerësimi për Italinë e pazëvendësueshme për ne duhet të shprehet duke cilësuar rolin e saj ashtu siç është ai ndaj nesh, " thelbësor" dhe jo duke e klasifikuar atë nëpërmjet katërkëndëshave idiotesk të diplomacisë së Rilindjes, si vetëm një "prezantuese e Shqipërisë në Mesdhe" dhe nderkaq duke kthyer fytyrën nga Lindja".
“Në pritje që Franca të përgjigjet: faleminderit për “favorin” , por na jepni këta 20 eritreasit dhe hajde merrni këta 25.750 shqiptarët që keni dërguar deri me 24 gusht 2018, e që i keni ende këtu…”, - shprehet deputeti i PD- së.