Rreth 1200 maturantë përzgjedhin "Luarasin", rritet me 256% numri i aplikimeve
"Luarasi jep bursa merite dhe nevoje, kriteret. Mbi 80% e të diplomuarve janë punësuar" Rektori Ethem Ruka: Një ndër 4 universitetet më të mira në vend
Rreth 1200 maturantë në mbarë vendin kanë përzgjedhur të vazhdojnë studimet e larta në universitetin ' Luarasi' për vitin e ri akademik 2018- 2019. Rezultatet e publikuara nga Ministria e Arsimit tregojnë një rritje të dukshme prej 256% të numrit të aplikimeve drejt këtij universiteti, krahasuar me një vit më parë. Rektori i "Luarasit" prof. dr. Ethem Ruka tregon se falë standardeve të larta të mësimdhënies dhe kredibilitetit në treg, ky institucion i arsimit të lartë po fiton çdo ditë e më shumë interesin e të rinjve. Ruka shton se fushata e këshillimit të karrierës për rreth 25 mijë maturantë është një tjetër faktor që ka ndikuar në rritjen e numrit të aplikimeve të të rinjve në ' Luarasi'. Sipas raportit britanik, Kolegji Universitar "Luarasi" i akredituar për gjashtë vite akademikë, rezulton të jetë një nga 4 institucionet më të mira të arsimit të lartë në vend. Rektori Ethem Ruka e vlerëson certifikatën 6- vjeçare të akreditimit si një nga pikat më të forta të këtij universiteti. Edhe këtë vit të ri akademik, Kolegji Universitar Luarasi do të japë bursa për maturantët ekselentë, por pa harruar edhe nxënësit në kushte të vështira ekonomike. Vetë studentët shprehen tejet të kënaqur që kanë përzgjedhur ' Luarasin' si rrugën e tyre të sigurt drejt së ardhmes.
Sa është numri i maturantëve në rang vendi që kanë përzgjedhur të ndjekin studimet në Kolegjin Universitar "Luarasi" për vitin e ri akademik 20182019?
Kjo është një pyetje vërtet interesante. Praktikisht sistemi i Ministrisë së Arsimit u bë disponibël për shkollat e larta ku u njohën rezultatet e përzgjedhjes së maturantëve të këtij viti shkollor. Në kuadër të këshillimit të karrierës, Luarasi kontaktoi mbi 25 mijë maturantë në të gjithë vendin, ishte një punë shumë serioze, gjithëpërfshirëse ku ne kemi shkuar shkollë më shkollë e fshat më fshat, nga Saranda deri në Shishtavec të Kukësit. Jemi të kënaqur se ' Luarasin' sivjet e kanë zgjedhur rreth 1200 maturantë, çka përbën një rritje të konsiderueshme në raport me vitin e kaluar. Shpresoj që kjo përzgjedhje të korrelojë edhe me regjistrimet që do të bëhen në ditët në vijim. Numri i aplikimeve ka pësuar një rritje me mbi 250% krahasuar me 2017- ën.
Pse mendoni se ka ardhur në rritje numri i aplikimeve për ' Luarasin'? Çfarë ofron ky institucion i arsimit të lartë për studentët?
Sigurisht ka shumë faktorë që kanë ndikuar në rritjen e kredibilitetit të Kolegjit Universitar ' Luarasi', ka dhe faktorë që dalin jashtë universitetit. Dua të përmend të paktën dy faktorë që lidhen me Ministrinë e Arsimit' të cilën dua ta falënderoj pasi na krijoi mundësinë për këshillimin e karrierës, ku drejtoritë rajonale të arsimit, zyrat arsimore, mësuesit, nxënësit na krijuan një mjedis fantastik për të bashkëbiseduar dhe për të shpjeguar se çfarë përfaqëson Luarasi në raport me institucionet e tjera. Këshillimi i karrierës këtë vit u karakterizua nga një tregues që nuk ka ekzistuar vitet e kaluara: certifikimi i shkollave të larta, pra rezultatet e akreditimit. ' Luarasi' për shkak të performancës së vet, është vlerësuar maksimalisht dhe rezulton që të jetë një ndër katër shkollat e larta më të mira në vend. Kjo certifikatë akreditimi shënon 6 vite, dhe ky është një tregues fantastik, një armë e fortë nëpërmjet së cilës i shpjeguam maturantëve se ata duhet të bëjnë zgjidhjen e duhur për tu arsimuar sa më mirë e për të marrë një diplomë të vlefshme.
Cilat do të jenë risitë që do të ofrojë universiteti "Luarasi" për vitin e ri akademik 2018- 2019?
Universiteti "Luarasi" ka ardhur duke u rritur e mund të them me bindje të plotë se kjo rritje sasiore dhe cilësore është gati 40%, sepse janë hapur disa programe studimi, janë bërë funksionale rreth 7 mastera të rinj, është hapur fakulteti i ri i Teknologjisë së Informacionit dhe Inovacionit dhe sigurisht ky i fundit erdhi në momentin e duhur. Kjo pasi teknologjitë e informacionit janë jashtëzakonisht të rëndësishme në shoqërinë e sotme, ato e kanë bërë plane-
tin më të vogël e kanë rritur kontaktin mes njerëzve, i kanë shërbyer globalizimit e i kanë bërë gjërat më të lehta. Këtë ne ia kemi shpjeguar maturantëve, ata na kanë besuar dhe si pasojë disa qindra maturantë kanë zgjedhur këtë fakultet pranë ' Luarasit'.
Edhe këtë vit universiteti "Luarasi" do të japë bursa për të rinjtë që zgjedhin të vazhdojnë rrugëtimin e
tyre akademik pranë këtij institucioni të arsimit të lartë. Cilat janë kriteret për të përfituar bursa për të gjithë të interesuarit?
Ne jemi prezantuar para maturantëve shqiptarë me një paketë shumë interesante. Paketat kanë qenë stimuluese, nxitëse për të rinjtë, por besoj që nxitësi kryesor është rezultati e ne jemi të interesuar të kemi
studentë sa më të mirë. Është fat i madh që ata që kanë përzgjedhur ' Luarasin' këtë vit janë me rezultate shumë, shumë të mira. Nxënësit me nota 9 dhe 10, janë përfituesit e parë të bursave në këtë universitet. Ka disa dhjetëra studentë që e përfitojnë këtë bursë merite, ashtu siç ka bursa që jepen për studentët me probleme sociale e favorizohen për këtë pjesë. Ne nx- isim edhe studentët që janë të dalluar në fusha të caktuara si në art, sport e kemi mjaft të rinj të tillë që përfitojnë një bursë ku detyrimet e tyre ndaj universitetit janë zero lekë për shkak të kontributit të shkëlqyer që japin në fusha të tjera.
Në bazë të statistikave, sa i sigurtë është punësimi pas përfundimit të studimeve në "Luarasi"? A mund të themi se diploma e përfituar nga ky institucion i arsimit të lartë, është një pasaportë e sigurt drejt tregut të punës?
Normalisht që po! Ne i ndjekim studentët edhe pas përfundimit të shkollës, pasi nuk punojmë vetëm për të sjellë studentë. Shkalla e punësimit të studentëve që disponojnë një diplomë nga universiteti "Luarasi" ka qenë e lartë, e kënaqshme ku gati 80% e atyre që përfundojnë studimet te ne gjejnë punë në një periudhe gati 6 mujore pasi marrin diplomat. Kësaj i shërbejnë edhe një sërë praktikash që ne ndjekim gjatë vitit mësimor falë ku studentët ushtrojnë praktikat, krijojnë një kredibilitet.
Cila është ftesa juaj për të gjithë maturantët shqiptarë që do të regjistrohen brenda këtyre ditëve në universitete?
Jemi në fazën ku maturantët do të fillojnë regjistrimet në universitete. Dua të them se ato fjalë që i kemi thënë maturantëve, të mos kenë asnjë dyshim që janë të gjitha realitet për universitetin "Luarasi". Ky universitet ka një staf të shkëlqyer, një administratë mjaft profesionale, është në vendin më të preferuar të Tiranës, me një infrastrukturë që nuk e ka asnjë universitet tjetër, ku nuk mungon absolutisht asgjë. Studentët mësojnë te ne, bëhen më të ditur, ushtrohen praktikisht. Do t'i ftoja studentët shqiptarë që kanë zgjedhur ' Luarasin' që pa asnjë hezitim të vijnë e të regjistrohen pasi investimi që do bëjnë këtu, do tu kthehet në një diplomë me vlerë për të ardhmen e tyre.