73 ditë protestë, kur fiken dritat në teatër
Neritan Liçaj: Ke thyer kokën tri herë në këtë teatër, kjo e fundit është e vështirë e tyre. Ndërsa në takimin e mbrëmjes, Liçaj mori fjalën për të thënë se: “Nuk na projekton nder e dinjitet të marrurit me fate personale të secilit prej nesh. Nuk jemi këtu për këtë. Secili prej nesh ka rrugëtimin e vet në jetë, ka fatet e veta. Jemi këtu kundrejt një kryeministri me një qeveri. Doja t’i drejtohesha shtatlartësisë së tij, mësuesit të vizatimit, që po projektohet si adoleshent, që vdes të bëjë një foto me Ronaldon. Ai ka mundësi, sepse paguan që ta bëjë foton me Ronaldon. Ke ardhur si ministër i Kulturës te këto muret këtu ( shtrin dorën nga teatri). E theve kokën. Ta falëm. Vazhdove. Erdhe si kryetar bashkie, prapë të këto mure e theve kokën. More krisjen tënde të parë si politikan. Tani është e treta e vërteta, e theve kokën edhe kësaj radhe. Por tani
është e treta e vërteta dhe ne nuk ta falim kurrë. Harroje. Kësaj radhe do ulesh në gjunjë, do kërkosh të falur dhe do i bësh gjithë shërbimet kësaj zonjës së vjetër këtu ( shtrin dorën nga teatri) me para publike dhe jo si të do qejfi ty. Nëse nuk e bën, nuk të ndahemi, ose do të të rrëzojmë, o nuk ka se, se na e ke sjellë këtu( në majë të hundës). Lëri çitjanet, atletet e fotot. Eja qeveris siç duam ne, jo siç të pëlqen ty. Po të përgjigjem me një batutë të filmave shqiptarë: ‘ Thirri mendjes o rr.. ë’. Dhe mos m’u kthe me batutën e Shabanit, se e di mirë ti se ç’bëri Shabani. Po të plas nga mesazhi i filmit, mos u tremb se je edhe frikacak, trembesh përnjëherë. Ndaj thirri mendjes o rr....”
Të dielën, në sheshin e protestës, u paraqit një vështrim interesant mbi lëvizjet politike që kanë tronditur Egjiptin që nga fillimi i Pranverës Arabe “Sheshi”, një dokumentar nga regjisori egjiptiano- amerikan Jehova Noujaim që u shfaq, ndjek një numër individësh, ciklet e shpresës revolucionare, të pasuar nga trazirat që nganjëherë kthehen të pikëllueshme dhe vdekjeprurëse.