Teatri dhe magjistratët, konflikti i ashpër PD- PS
Deputetët rikthehen në Kuvend, dy nismat ligjore që do tensionojnë situatën Me 13 shtator, rikthehet dekreti i Metës
Kuvendi rifillon punën pasditen e së hënës ku pritet të nisë me debate të forta mes pozitës dhe opozitës. Të majtë e të djathtë do rinisin betejën politike në Sesionin e III- të të Legjislaturës së IX- të. Por gjatë paradites së 3 shtatorit, PD dhe PS do mbledhin grupet parlamentare për axhendën e pasdites ndërkohë që kreu i opozitës, Lulzim Basha do të mbledhë edhe aleatët e tij në selinë e PD- së për të unifikuar qëndrimin në Kuvend. Edhe pse seanca e së hënës proceduralisht është thjeshtë një takim mes deputetëve ku do njoftohen projektligjet e depozituara në Kuvend dhe do të miratohet kalendari i punës, debatet nuk do të mungojnë. Në faqen zyrtare të Kuvendit është publikuar projektkalendari tri- javor i punimeve për periudhën 3- 21 shtator. Sipas kalendarit, më datë 13 shtator në Kuvend do të rikthehet për rishqyrtim ligji për "Projektimin dhe realizimin e projektit urban dhe godinës së re të Teatrit Kombëtar". Për diskutime do të mblidhet edhe Komisioni përkatës ai për Veprimtaritë Prodhuese, Tregtinë dhe Mjedisin. Ligji për Teatrin Kombëtar, u kthye në Kuvend për rishqyrtim nga presidenti Ilir Meta. Sipas presidentit, ligji shkel parimet e barazisë dhe nuk është në harmoni me parimet kushtetuese. Ligji cenon parimet e Konventës Evropiane të Trashëgimisë Kulturore, thuhet mes të tjerave në njoftim. Presidenti Meta ka renditur 9 pika sipas të cilave, projektligji për teatrin duhet rishqyrtuar në parlament duke ngritur si shqetësim edhe mungesën e Gjykatës Kushtetuese. Me shumë gjasa shumica socialiste do të rrëzojë dekretin presidencial, për t'i hapur më pas rrugë zbatimit të ligjit ashtu siç eksponentë të saj kanë deklaruar edhe publikisht.
MAGJISTRATËT
Një tjetër nismë që do të hidhet për votim në seancë është ligji për magjistratët e rinj, që synon plotësimin e vendeve vakante në sistemin e drejtësisë nga të shkarkuarit për shkak të vetingut. Projektligji kërkon votën e të paktën 84 deputetëve, numër të cilin mazhoranca nuk e zotëron. Përgjatë javëve të fundit të korrikut, para mbylljes së sesionit të kaluar socialistët u orvatën të merrnin mbështetje të paktën nga ishaleatët e LSI- së, por s'ia dolën dot të gjenin emëruesin e Një tjetër nismë që do të hidhet për votim në seancë është ligji për magjistratët e rinj, që synon plotësimin e vendeve vakante në sistemin e drejtësisë nga të shkarkuarit për shkak të vetingut. Projektligji kërkon votën e të paktën 84 deputetëve, numër të cilin mazhoranca nuk e zotëron. përbashkët me ta. Prioritet në sesionin e ri do të jetë edhe reforma zgjedhore, e cila kërkon konsensus politik. Mazhoranca nga njëra anë kërkon me ngulm ligjërimin e votimit të emigrantëve në votime, ndërkohë që opozita këmbëngul në zbatimin e votimit dhe numërimit elektronik në zgjedhje. Socialistët rëndësi i kanë dhënë edhe depolitizimit të administruesve të zgjedhjeve, por pa specifikuar nëse do të përqendrohen vetëm në komisionet e niveleve të dyta e të treta, apo do kërkojnë shtrirjen edhe në kupolën drejtuese të procesit, KQZ.