Negociatat për aeroportin e Vlorës, Rama: Gjithçka për interesin publik
Kryeministri në Vlorë për bilancin, mësimet dhe objektivat për sezonin e ardhshëm turistik "Bypasi i Fierit na është bërë si bypasi i fytit"
Qeveria shqiptare po vi jon negociatat për ndërtimin e aeroportit të Vlorës, të cilat kryeministri Edi Rama i cilësoi të vështira, pasi siç tha ai, "duam të marrim maksimumin për interesin publik dhe të shtetit". Prezantimin e arritjeve të këtij sezonit turistik kryeministri ua besoi ministrave gjatë një takimi në Radhimë të Vlorës. Sfidat e radhës për kryeministrin Edi Rama mbeten përpunimi i ujërave të zeza që vijojnë të derdhen në det, si dhe furnizimi me ujë të pijshëm i zonave bregdetare. Kreu i qeverisë u shpreh optimist edhe për fillimin së shpejti të punimeve për aeroportin e Vlorës. Në takimin e zhvilluar në Vlorë për sezonin turistik, kryeministri u shpreh se "jemi në proces negociatash për ndërtimin e aeroportit të Vlorës". "Ndryshe nga çfarë u propagandua nuk ishte një pazar i mbyllur, por është një negociatë e vështirë, sepse ne duam të marrim maksimumin për interesin publik dhe të shtetit", theksoi z. Rama. Kryeministri u shpreh besimplotë se do ta mbyllim negociatën dhe do të fillojmë edhe punën për të ndërtuar aeroportin e Vlorës. "Pastaj aty do të fillojë një sfidë tjetër për Vlorën sepse ndryshimi i flukseve do të jetë shumë i madh dhe nevojat e jashtëzakonshme për të rritur cilësinë e shërbimeve po ashtu. Në mbi 20 vjet këtu janë bërë investime të gabuara, pasi nuk kemi hotele të mirëfillta dhe vila të mirëfillta turistike, kemi shumë pak",- deklaroi kryeministri.
PROJEKTET
Kryeministri Edi Rama teksa u ndal tek objektivat për sezonin e ardhshëm turistik foli edhe për bypasin i Fierit. Ndërsa po tregonte për projektet për të ardhmen, kryeministri ndërpreu fjalën dhe tha: "E kam shumë të qartë që ndërkohë që ne flasim aty vazhdojnë komentet po bypasi i Fierit, po bypasi i Fierit, i cili na është bërë si bypasi i fytit nga sikleti. Sinqerisht përditë në fyt nga sikleti, sepse realisht është një legjendë katastrofike paaftësie, papërgjegjshmërie dhe korrupsioni. Na është dashur të prishim komplet kontratën dhe të bënin gjithçka nga e para me Bankën Europiane për Zhvillim. Tani procesi ka filluar dhe shpresojmë shumë që brenda disa javëve të na vijë përgjigjja përfundimtare e bankës, të lidhet kontrata dhe sezonin e ardhshëm ta gjejë rrugën e bypasit të hapur për të qenë e kalueshme, nëse jo e përfunduar tërësisht. Kështu të kompletohet e gjithë lidhja me Vlorën", tha z. Rama. Më pas ai foli dhe për rrugën Kashar- Rrogozhinë që e bën
Tiranë- Vlorë për 55 minuta dhe premtoi se bulevardi i ri i Vlorës sezonin e ardhshëm do jetë gati. "Pak më tutje
vjen projekti i tjetër rrugës Kashar- Rrogozhinë që e pret komplet në diagonal rrugën drejt Fierit e Vlorës dhe e bën "Ne premtuam 3 muaj më parë në nisje të këtij sezoni se do të kishim një sezon me shumë qetësi dhe shume rend, si dhe parandalimin e akteve kriminale. Ky ishte një sezon i sigurt dhe pa pasoja në zonat turistike, si dhe me një ulje të ndjeshme të vjedhjeve në territoret e plazheve",- theksoi Xhafaj. Tiranë- Vlorë për 55 minuta. Më vjen mirë që sidoqoftë vlonjatët nuk po nxjerrin zë për bulevardin e ri ku është bllokuar trafiku dhe është ngushtuar rruga. Bulevardi i ri do të jetë një tjetër vlerë e shtuar. Në sezonin e ardhshëm do ta kemi të përfunduar besoj dhe do të jetë realisht një tjetër vepër si Lungomarja për të cilën marrim mesazhe inkurajuese", theksoi z. Rama. PD publikoi dje një video nga AKPT, e cila sipas tyre vërteton edhe një herë planin e betonizimit të liqenit. Zëdhënësja Ina Zhupa, ka akuzoi kryeministrin Rama dhe kryebashkiakun Veliaj se po përgatiten për betonizimin e Liqenit Artificial në Tiranë. Zhupa tha se "sipas planit të Veliajt, ndërtesat do të jenë mbi 9 kate e 29 metra lartësi tek Parku i Liqenit".