Kuvendi nis me bojkot, Xhafaj: Në tetor godasim grupet kriminale

Punimet nisin me bojkot, Ruçi: Ndalni luftën për pushtet, të punojmë për integrimin Balla: Vrasjet në Shkodër duhen zbardhur

Kuvendi i Shqipërisë nisi punën pasditen e djeshme, por në seancë mungoi opozita, e cila u mblodh po në të njëjtën orë në Shkodër për një mbledhje të jashtëzakonshme për shkak të situatës kriminale në kryeqendrën e veriut. Në fjalën hapëse, kreu i Kuvendit, Gramoz Ruçi deklaroi se partitë politike duhet të luftojnë për qëllimin e përbashkët: integrimin e Shqipërinë në Bashkimin Europian. "I ftoj të gjithë që të ndajnë luftën e pushtetit nga lufta e përbashkët për integrimin në Europë. Integrimi do të jetë objektiv i pandryshuar i Kuvendit",- theksoi Ruçi. Në fjalën e tij, Ruçi përmendi edhe reformën në drejtësi duke u shprehur se ajo do të garantojë zbatimin e të drejtave të qytetarëve. "Fakti që 56% e gjyqtarëve u shkarkuan tregon që kjo ishte një domosdoshmëri për këtë sistem. Mosmiratimi i ligjit për magjistratët tregon se dakordësia nuk u mbështet nga ana e opozitës. Kemi rastin që ta korrigjojmë në këtë sistem të ri parlamentar. Nuk është në dorën e Kuvendit apo qeverisë për t'i dhënë të drejtën qytetarëve. Qëllimi i reformës është garantimi i zbatimit të të drejtave të qytetarëve. Brenda këtij sesioni duhet të finalizohet ngritja e organeve të reja të drejtësisë. Këshilli për legjislacionin nuk përmbushi detyrën ndaj 5 vendimeve të Gjykatës Kushtetuese. Kostot e reformës cilado qofshin jemi të dënuar t'i shërbejmë interesit publik. Ftoj të gjitha grupet politike që të ndalin luftën për pushtetin e radhës, beteja jonë e përbashkët është për integrimin në Europë",- deklaroi kreu i Kuvendit.

PARALAJMËRIMI

Në seancën e parë parlamentare për këtë sesion, foli edhe ministri i Brendshëm Fatmir Xhafaj. Pas vrasjeve të ndodhura së fundmi në Shkodër, që tronditën mbarë opinion publik, Xhafaj paralajmëroi se do u shkojë deri në fund këtyre çështjeve. Ai paralajmëroi se shumë shpejt do përgjigjen të gjithë ekzekutorët. "Hetimet për rastet e Shkodrës po zhvillohen me intensitet. Gjatë mandatit të tyre të parë qeverisës, në vend u regjistruan 230 vrasje me dashje, 58 çdo muaj, ndërsa në tonin vetëm 48 vrasje. Në Shkodër, në mandatin e parë ata

regjistruan 12 vrasje, në të dytin 15, ndërsa ne mandatin e parë regjistruam vetëm 9 vrasje. Pra, stilistikisht nuk ka shifër që mund të na krahasojë me PD- në. Këto janë raste të rënda, por ne jemi të vendosur t'i shkojmë deri në fund këtyre ngjarjeve. Kemi përgjegjësi përballë qytetarëve. Ata do të duhet t'i japin llogari qytetareve për shifrat e vrasjeve me dashje në kohën kur qeverisnin. Kemi bërë luftë intensive me grupet kriminale. Ato nuk u krijuan as dje, as pardje, por kanë aktivitet të gjatë në vend. Operacioni "Forca e ligjit" po vijon dhe do të japë rezultate. Unë

jam i vetëdijshëm për përgjegjësinë time. Jemi në luftë intensive me grupet kriminale. Kemi bërë skanim e profilit të tyre. Goditëm një pjesë në muajt shtator- tetor në sajë të provave që kemi mbledhur do të godasim edhe një pjesë tjetër të mirë të këtyre grupeve", deklaroi z. Xhafaj. Ndërsa kreu i grupit parlamentar të PS, Taulant Balla tha se krimet në Shkodër kohët e fundit duhet të zbardhen dhe autorët të ndëshkohen. Për këtë ai i bëri thirrje ministrit Xhafaj që të reagojë. "Në 2010 kur ministri i Brendshëm ishte Basha ato arritën në nivelin më të lartë, 18 vrasje. "Jam i vetëdijshëm për përgjegjësinë time. Jemi në luftë intensive me grupet kriminale. Kemi bërë skanim e profilit të tyre. Goditëm një pjesë në muajt shtator- tetor në sajë të provave që kemi mbledhur do të godasim edhe një pjesë tjetër të mirë të këtyre grupeve",deklaroi z. Xhafaj.

Krahasuar me një shifër 8 vrasje gjatë tetë mujori janargusht 2018. Edhe gjatë 2012 ka qenë një numër i lartë 18 dhe mesatarja ka qenë 15 vrasje në mandatin e dytë dhe të fundit të PD krahasuar me një numër 9 mesatarja gjatë mandatit tonë të parë. Vrasjet në Shkodër duhen zbuluar dhe ndëshkuar menjëherë dhe sa më parë. Zoti Ministër i Brendshëm, ne kemi besim te puna juaj dhe e policisë dhe presim menjëherë reagimin, sa më të shpejtë dhe të fortë, një përgjigje kuptim plotë ndaj kujtdo që ka gisht në shqetësimin e qytetarëve shkodranë",- deklaroi z. Balla.