' Drejtësia', Spaho: Reforma çoi sistemin në kaos, 6 ligjet të rishkruhen

Debate në Konferencën e Kryetarëve

Kryetari

i Kuvendit, Gramoz Ruçi mblodhi dje kryetarët e grupeve, pak orë para nisjes së seancës plenare. Një pikë e nxehtë gjatë diskutimeve në Konferencën e Kryetarëve ishte reforma në drejtësi. PD dhe LSI kërkuan që 6 ligjet e reformës në drejtësi të rishkruhen. "Ngrita çështjen e reformës në drejtësi që ka dështuar. Jemi pa Gjykatë Kushtetuese, pa Gjykatë të Lartë, pa Gjykatë të Apelit, pa KLGJ, pa KLP, pa KED. Për 11 gjyqtarë dhe prokurorë ONM ka ngritur pretendime serioze për mosplotësimin e kritereve të vetingut. Sa i takon zgjidhjes, PD që në 2016 ka paraqitur propozimin që sikurse u miratua Kushtetuta me konsensus edhe 7 ligjet e reformës në drejtësi të miratohen me konsen- sus. Vetëm një u miratua me konsensus. Së fundi kemi propozuar rishikimin e paketës së 6 ligjeve, nuk mund të zgjidhen vetëm me Shkollën e Magjistraturës. Kandidatët duan 2 vite të mbarojnë shkollën dhe niveli i njohurive të tyre dhe eksperienca e punës nuk është e atillë sa të punojnë në organe kaq të rëndësishme",-

DENIGRIMI

"Solla në vëmendje edhe sulmin ndaj gazetares Klodiana Lala, që është pika kulmore e asaj politike konstante që ka ndjekur kryeministri Rama në denigrimin, poshtërimin, luftën e ashpër që ka ushtruar gjithmonë ndaj përfaqësuesve të medias, shtypit, që nuk kanë qenë në unison me qëndrimet e tij politike",- tha Edmond Spaho.

tha z. Spaho. Ulsi Manja i PS- së tha se deputetët e opozitës iu dukën sikur vinin nga dasma. "Mua m'u duk sikur ishin deri në vonë në ndonjë dasmë, meqenëse ishte dhe ditë e diel. Jemi për zbatimin deri në fund të reformës në drejtësi, siç ka paraparë Kushtetuta dhe ligjet e vendit",- u shpreh z. Manja.