Trashëgimtarët, 13 mijë përfituesit që do të marrin dëmshpërblimin
Ndryshon ligji për ish- të përndjekurit politikë, gati pagesa për 200 ish- të dënuar Nëse përfituesit nuk plotësojnë dosjen brenda 3 viteve, humbasin të drejtën
Rreth 200 ish- të dënuar politikë që jetojnë do të marrin paratë dëmshpërblimit shumë shpjet, duke mbyllur në këtë mënyrë pagesat për të gjithë këtë kategori. Ndërsa 13 mijë trashëgimtarët e ish- të dënuarve të regjimit komunist do të përfitojnë së shpejti dhe në shuma deri në 1 milionë lekë dëmshpërblimin. Qeveria ka miratuar disa ndryshime ligjore në ligjin për dëmshpërblimin e ish- të përndjekurve politikë duke përshtatur atë me një realitet të ri. Duke qenë se kompensimi i ish- të burgosurve të mbetur ende gjallë po shkon drejt përfundimit, tashmë fondet e buxhetit do të fokusohen te trashëgimtarët. Drejtori i thesarit në Ministrinë e Financave sqaron se janë 200 persona ish- të dënuar që jetojnë, të cilët pritet të marrin këstet e fundit. Sa i përket dosjeve të trashë- gimtarëve ato llogariten në afro 13 mijë të tilla. Pjesë e ndryshimeve është edhe fakti se kush përfiton deri 1 milionë lekë dëmshpërblim, tashmë do t'i marrë ato me një këst të vetëm. Por ministria duket se është tërhequr nga varianti fillestar për të frenuar kompensimet përtej brezit të parë të të afërmve. Por në ligj është saktësuar se, nëse trashëgimtarët për një afat kohor prej tre vitesh nuk interesohen për të plotësuar dosjen, atëherë e drejta e kompensimit digjet dhe paratë i kalojën buxhetit të shtetit. Drejtori i Thesarit në Ministrinë e Financave, Lavdërim Sahitaj shpjegon ndryshimet e fundit ligjore në lidhje me trajtimin financiar të ish- të dënuarve të regjimit komunist.
Qeveria ka miratuar në mbledhjen e fundit të projektligj që ndryshon procedurat e pagesës së dëmshpërblimit për ish- të përndjekurit politikë. Ku konsistojnë këto ndryshime?
Janë 200 persona nga kategoria parësore, pra, ish- të dënuar politikë, të cilët janë gjallë dhe që presin të marrin këstet e fundit, dy ose tre
këste. Më pas fondi do të çelet për gjithë dhe pagesa do të kryhet në mënyrë proporcionale. Për trashëgimtarët këstet do të jenë më të shpeshta pasi marrin një pjesë më të madhe të fondit.
Sa është numri i trashëgimtarëve që presin të marrin paratë?
Janë 13 mijë trashëgimtarë që presin të marrin dëmshpërblimin. Kush ka më pak se një 1 milion lekë të reja dëmshpërblim do t'i marri ato me një këst
të vetëm dhe jo më të ndara.
Si të do të ndahet fondi që vë në dispozicion buxheti i shtetit?
Deri tani fondi është ndarë 70 % për pagesat e kategorisë parësore dhe 30 % për trashëgimtarët. Meqë pagesat për kategorinë parësore është drejt fundit, fondi do të shkojë për trashëgimtarët. Ndryshimi i fondit? Ndryshimi parashikon që fondi që do të vihet në dis- pozicion nga buxheti i shtetit do të ndahet në mënyrë proporcionale për të gjithë përfituesit, dhe jo si deri tani që fondi ndahej 70 % për kategorinë parësore dhe 30 % për trashëgimtarët. Në projektligjin që është miratuar në qeveri dhe do të kalojë për shqyrtim e votim në parlament thuhet se "Në nenin 12 bëhen ndryshimet, si më poshtë vijon: Paragrafi i parë ndryshon me këtë përmbajtje: "Në bazë të buxhetit vjetor të vënë në dispozicion, fondi i dëmshpërblimit të ishtë dënuarve politikë nga regjimi komunist do të ndahet në mënyrë proporcionale për të gjithë përfituesit, me kusht që kësti i dëmshpërblimit të mos jetë më i madh se 1 milion lekë. Për të gjitha subjektet përfituese parësore, kur vlera totale e dëmshpërblimit është mbi 8 milionë lekë, do të vijohet me pagesën e këstit pasardhës deri në shpërndarjen e plotë të shumës së miratuar. Në rast se vlera totale e miratuar për të gjithë përfituesit është deri në 1 000 000 lekë, shpërndarja e dëmshpërblimit do të kryhet me një këst të vetëm, pavarësisht fazës në të cilën ndodhet shpërndarja e dëmshpërblimit."