Angela Merkel takim me homologun Zoran Zaev ditën e shtunë
Më 30 shtator mbahet referendumi, grekët ' ndizen' në protesta Zëdhënësi i Kancelares gjermane: Ja ç'do diskutohet
Angela Merkel, Kan celarja e Gjerman isë, të shtunën do të qëndrojë për vizitë në Shkup, ku pritet të takohet me kryeministrin Zoran Zaev. Lajmi është bërë i ditur nga zëdhënësi i saj Shtefen Zajberg, publikoi agjencia greke e lajmeve ANA- MPA. Siç raporton korrespondentja e MIA- s nga Athina, në tekstin e shkurtër, ANAMPA transmeton deklaratën e zëdhënësit të Kancelares, i cili thotë se Merkel dëshiron që të krijojë përshtypjen e saj, duke ardhur në Maqedoni, në prag të referendumit. "Ende po punohet për programin, por mund të them se Kancelarja do të takohet me kryeministrin IRJM- së, Zoran Zaev", deklaroi Zajberg dhe shtoi se në fokus të takimit do të jenë "ngjarjet rajonale, temat bilaterale", ndërsa zonja Merkel "gjithsesi që të dëshiron në vetë vendin e ngjarjes të krijojë përshtypjen e saj për referendumin lidhur me emrin e vendit, i cili do të mbahet në fund të muajit", transmeton agjencia greke e lajmeve. Ndërkaq, afrimi i 30 shtatorit, ditës së referendumit që do të mbahet në Maqedoni për të aprovuar ose jo marrëveshjen me Greqinë për emrin, ka rritur përsëri reagimet e grekëve, sidomos në zonat veriore të vendit. Shumica e protestave të javës që vjen në Selanik dhe qytetet e tjera rreth tij janë ato të organizuara nga grupe që kundërshtojnë marrëveshjen që nënshkruan Athina dhe Shkupi në Prespë, disa muaj më parë. Reagimet që ishin shuar gjatë muajve të verës filluan përsëri të përshkallëzohen, sidomos pas deklaratave të ministrit të Jashtëm, Nikola Dimitrov, në Parlamentin Europian. I pyetur nga eurodeputetët konservatorë të Greqisë, ai ka theksuar se "vendi i tij do të quhet Republika e Maqedonisë Veri- ore dhe qytetarët e saj do të jenë maqedonas, të cilët do të flasin gjuhën maqedonase". Janë pikërisht gjuha dhe identiteti, dy nga pikat kryesore të kësaj marrëveshjeje, që për një pjesë të konsiderueshme të grekëve nuk pranohen. Në shtypin e djathtë grek riprodhohen dek-
laratat e fundit, por edhe të mëparshme të kryeministrit Zaev, në të cilat ai thekson ato çfarë fiton vendi i tij me këtë marrëveshje, ndaj dhe kërkon nga bashkëqytetarët e tij pjesëmarrje në referendum dhe aprovimin e saj. Sondazhi i disa ditëve më parë tregoi se, 57% e të intervistuarve janë shprehur se do të votojnë pro marrëveshjes, e cila do të sjellë integrimin e vendit në NATO dhe BE, e ky rezultat ka shkaktuar buzëqeshje në Shkup. Ndërsa në Athinë, ministri i Mbrojtjes, njëkohë- "Merkel dëshiron që të krijojë përshtypjen e saj, duke ardhur në Maqedoni, në prag të referendumit. Ende po punohet për programin, por mund të them se Kancelarja do të takohet me kryeministrin Zoran Zaev. Në fokus të takimit do të jenë ngjarjet rajonale, temat bilaterale, ndërsa zonja Merkel gjithsesi dëshiron të jetë në vetë vendin e ngjarjes, të krijojë përshtypjen e saj për referendumin lidhur me emrin e vendit, i cili do të mbahet në fund të muajit", - ka thënë
sisht kreu i partisë së aleancës qeveritare "Grekët e Pavarur", ka paralajmëruar menjëherë pas riformatimit të kabinetit që ka bërë kryeministri Tsipras se do ta rrëzojë qeverinë, nëse marrëveshja vjen në Parlamentin grek, duke mos e aprovuar atë.